Financial Stocks: ఒకే ఒక్క బ్యాంక్ పెద్ద దెబ్బ తీసింది.. 2 రోజుల్లో 38 లక్షల కోట్లు ఉఫ్.. ఇన్వెస్టర్లకు రక్తకన్నీరు!

Financial Stocks: అమెరికాలో బ్యాంకింగ్ వ్యవస్థలు కుప్పకూలిపోతున్నాయి. అక్కడ ఇటీవల రెండో, మూడో అతిపెద్ద బ్యాంకింగ్ వైఫల్యాలు (Banking Failure) చోటుచేసుకున్న సంగతి తెలిసిందే. శుక్రవారం రోజు అమెరికాలో 16వ అతిపెద్ద బ్యాంక్.. సిలికాన్ వ్యాలీ బ్యాంక్ (Silicon Valley Bank) దివాలా తీసింది. డిపాజిట్ దారులు డబ్బులన్నీ ఉపసంహరించుకున్నారు. ఇక నియంత్రణ సంస్థలు పెద్ద ఎత్తున ఆ బ్యాంక్ ఆస్తులు జప్తు చేసుకొని.. దానిని మూసివేశాయి. ఇది అమెరికా సహా ప్రపంచ దేశాలపై తీవ్ర ప్రభావం చూపింది. ముఖ్యంగా టెక్ రంగంపై (Tech Sector) పెను ప్రభావం పడింది. చాలా వరకు స్టార్టప్స్ నిధుల కొరత ఎదుర్కొనే ప్రమాదం పొంచి ఉందన్న భావనలు వ్యక్తమవుతున్నాయి. శుక్రవారం రోజు అమెరికా స్టాక్ మార్కెట్లు దారుణంగా పడిపోయాయి. రెండు రోజుల తర్వాత అమెరికాకే చెందిన మరో బ్యాంక్.. సిగ్నేచర్ బ్యాంక్‌ను కూడా మూసివేశాయి నియంత్రణ సంస్థలు. ఇక ఈ దెబ్బకు ప్రపంచ దేశాల మార్కెట్లు ముఖ్యంగా బ్యాంకింగ్ షేర్లు కుప్పకూలిపోయాయి. భారత్‌లోనూ ఈ ఎఫెక్ట్ కనిపించింది. బ్యాంకింగ్, ఫైనాన్షియల్ షేర్లు పడిపోతున్నాయి.

సిలికాన్ వ్యాలీ బ్యాంక్ పతనంతో.. న్యూయార్క్ నుంచి జపాన్ వరకు రుణదాతలకు కష్టాలు మొదలయ్యాయి. ఇన్వెస్టర్లు ఆయా బ్యాంకుల నుంచి, ఇతర ఆర్థిక సంస్థల నుంచి డబ్బులను ఉపసంహరించుకోవడం ప్రారంభించారు. ఈ క్రమంలో ప్రపంచవ్యాప్తంగా ఆర్థిక షేర్లు కుప్పకూలిపోయాయి. MSCI వరల్డ్ ఫైనాన్షియల్ ఇండెక్స్, MSCI EM ఫైనాన్షియల్స్ ఇండెక్స్‌ల్లోని కంపెనీల మొత్తం మార్కెట్ విలువ శుక్రవారం నుంచి 465 బిలియన్ డాలర్లు పడిపోయింది. రెండు రోజుల వ్యవధిలోనే ఏకంగా 465 బిలియన్ డాలర్ల మేర మార్కెట్ విలువను కోల్పోయాయన్నమాట. ఇది భారత కరెన్సీలో రూ. 38.33 లక్షల కోట్లు కావడం ఆందోళన కలిగిస్తోంది. ఈ పతనం ఎక్కడి వరకు వెళ్తుందనే భయాలు నెలకొన్నాయి.

Signature Bank: బ్యాంకింగ్ రంగంలో ప్రకంపనలు.. కుప్పకూలిన మరో బ్యాంక్.. మూసివేత.. డిపాజిటర్లకు బైడెన్ హామీ!
SVB Collapse: US Bank దివాలా.. భారత దిగ్గజ బ్యాంకుపై పెను ప్రభావం.. కస్టమర్లలో వణుకు.. అన్నింటికీ అదే కారణం!

మంగళవారం కూడా ఈ నష్టాలు వెంటాడుతున్నాయి. MSCI ఆసియా పసిఫిక్ ఫైనాన్షియల్స్ ఇండెక్స్ 2.7 శాతం పడిపోయింది. నవంబర్ 29 తర్వాత ఇదే గరిష్ట పతనం కావడం గమనార్హం. మిట్సుబిషి యూఎఫ్‌జే ఫైనాన్షియల్ గ్రూప్ (Mitsubishi UFJ Financial Group Inc.) జపాన్‌లో 8.3 శాతం కుప్పకూలింది. సౌత్ కొరియాకు చెందిన హనా ఫైనాన్షియల్ గ్రూప్ 4.7 శాతం పతనమైంది. ఆస్ట్రేలియాకు చెందిన ANZ గ్రూప్ హోల్డింగ్స్ లిమిటెడ్ 2.8 శాతం కుదేలైంది.

ఆర్థిక సంస్థలు ముఖ్యంగా తమ బాండ్ ఇన్వెస్ట్‌మెంట్లపై పెను ప్రభావం ఎదుర్కొనే అవకాశాలు ఉన్నట్లు తెలుస్తోంది. సిలికాన్ వ్యాలీ బ్యాంక్ దివాలాతో బ్యాంకింగ్ వ్యవస్థ ప్రమాదంలో పడి ఉంది కాబట్టి.. యూఎస్ ఫెడ్ వడ్డీ రేట్ల పెంపుపై నెమ్మదించనున్నట్లు నివేదికలు వస్తున్నాయి. ఈ నేపథ్యంలో అమెరికాలో బాండ్ ఈల్డ్స్ పడిపోతున్నాయి. ఇక డాలర్ కూడా నష్టపోతోంది. దీంతో బంగారం, వెండి ధరలు పెరిగిపోతున్నాయి. లిక్విడిటీ రిస్క్ ఉంటుందన్న అంచనాల నేపథ్యంలోనే ఫెడ్ వడ్డీ రేట్ల పెంపునకు మొగ్గుచూపకపోవచ్చని క్రెడిట్ సూజ్ కంపెనీ AG చీఫ్ ఇన్వెస్ట్‌మెంట్ ఆఫీసర్ జాన్ ఉడ్స్ అన్నారు.

Adani Group: అదానీ గ్రూప్‌కు LIC ఎన్ని వేల కోట్ల అప్పులు ఇచ్చిందో తెలుసా? నిర్మలమ్మ అంతా చెప్పేశారుగా..

• Read Latest Business News and Telugu News