Multibagger Stock: రూ.25 వేలు పెట్టుంటే కోటి రూపాయలు చేతికి.. నమ్మకాన్ని ఒమ్ము చేయని కంపెనీ ఇదే!

Multibagger Stock: స్టాక్ మార్కెట్లో పెట్టుబడి పెట్టి.. కాస్త ఓపికతో ఎక్కువ కాలం పాటు వేచి చూస్తే.. మీరు మార్కెట్ నుంచి మంచి రిటర్నులు పొందవచ్చు. ఇది ఎంతో మంది విశ్లేషకులు స్టాక్ మార్కెట్ ఇన్వెస్టర్లకు చెప్పే మాట. అంతేకాదు.. దీర్ఘకాలిక ఇన్వెస్టర్లకు కంపెనీలు అందించే లాభం కూడా అంతే స్థాయిలో ఉంటుంది. దీనికి ఉదాహరణ ఆస్ట్రాల్ లిమిటెడ్ కంపెనీనే. ఈ కంపెనీలో డబ్బులను ఇన్వెస్ట్ చేసి, దీర్ఘకాలం పాటు వేచిచూసిన ఇన్వెస్టర్లకు ఆస్ట్రాల్ అద్భుతమైన రిటర్నులను అందించింది. ఈ కంపెనీ స్టాక్‌లో డబ్బులు పెట్టిన చాలా మంది ఇన్వెస్టర్లు కోటీశ్వరులు అయ్యారు. లక్షల్లో ఇన్వెస్ట్‌మెంట్ పెడితే.. కోట్లలో డబ్బులు ఆర్జించారు. ఇదంతా కేవలం 15 ఏళ్లలోనే. ఆస్ట్రాల్ షేరు ధర చరిత్ర..
ఆస్ట్రాల్ పైప్స్ కంపెనీ షేరు ధర ప్రస్తుతం బీఎస్ఈలో రూ.2338 వద్ద పలుకుతోంది. మార్చి 2007న ఈ కంపెనీ షేరు ధర కేవలం రూ.5.57 మాత్రమే. అంటే అప్పట్లో ఈ స్టాక్ పెన్నీ షేరు అన్నమాట. అప్పట్లో పెన్నీ షేర్లుగా ఉన్నవి.. ప్రస్తుత కాలంలో మల్టిబ్యాగర్ రిటర్నులను అందజేస్తున్నాయి. అయితే మార్చి 23, 2007లో ఎవరైనా ఇన్వెస్టర్ ఈ కంపెనీలో లక్ష రూపాయలను ఇన్వెస్ట్ చేసుంటే.. వారి మొత్తం ప్రస్తుతం రూ.4.21 కోట్లు అయ్యుండేవి. అలాగే ఒకవేళ కేవలం రూ.25 వేల డబ్బులను ఇన్వెస్ట్ చేసినా కూడా ఆ డబ్బులు నేడు రూ.1.5 కోట్లుగా మారేవి. ఈ 15 ఏళ్లలో 42,050 శాతం రిటర్నులను ఆస్ట్రాల్ కంపెనీ తన ఇన్వెస్టర్లకు అందించింది.

గత నెల రోజుల కాలంగా ఆస్ట్రాల్ పైప్స్ కంపెనీ 15 శాతం వరకు పెరిగింది. ఏడాదిలో ఆస్ట్రాల్ పైప్స్ కంపెనీ 13.75 శాతం రిటర్నులను అందించింది. గత ఐదేళ్ల కాలంలో అయితే ఈ కంపెనీ స్టాక్ ధర 433 శాతం ఎగిసింది. ఎవరైనా ఐదేళ్ల క్రితం ఈ స్టాక్‌లో లక్ష రూపాయలను ఇన్వెస్ట్ చేసుంటే.. వారి అమౌంట్ ప్రస్తుతం రూ.5.33 లక్షలు అయ్యుండేవి.

Also Read : Gold Price: నేటి బంగారం, వెండి ధరలు.. హైదరాబాద్‌లో రేట్లెలా ఉన్నాయి?

కంపెనీ ఆర్థిక పరిస్థితి..
ఆస్ట్రాల్ పైప్స్ కంపెనీ 2022-23 ఆర్థిక సంవత్సరం జూన్ క్వార్టర్‌లో అద్భుతమైన ప్రదర్శన కనబర్చింది. కంపెనీ లాభాలు 28 శాతం పెరిగి రూ.96 కోట్లకు చేరుకున్నాయి. గత ఆర్థిక సంవత్సరం ఇదే క్వార్టర్‌లో కంపెనీ లాభం కేవలం రూ.75 కోట్లు మాత్రమే. కంపెనీ రెవెన్యూ సైతం ఈ ఆర్థిక సంవత్సరం తొలి క్వార్టర్‌లో 73 శాతం పెరిగి రూ.1213 కోట్లకు పెరిగింది. గత ఆర్థిక సంవత్సరం ఇదే క్వార్టర్‌లో కంపెనీ రెవెన్యూ రూ.701 కోట్లుగా ఉంది.

ఆస్ట్రాల్ పైప్స్ ఏం చేస్తుంది..?
ఈ కంపెనీ పైప్‌ల తయారీ కంపెనీ. ప్లంబింగ్, ఇండస్ట్రీస్, డ్రైనేజ్, కేబుల్ ప్రొటెక్షన్ వంటి వాటికి ఈ కంపెనీ తన పైప్‌లను సప్లయి చేస్తుంది. పైప్‌ల తయారీ రంగంలో ఆస్ట్రాల్ ప్రముఖ కంపెనీల్లో ఒకటి. కంపెనీ వెబ్‌సైట్‌లో పొందుపరిచిన వివరాల ప్రకారం.. భారత్‌కు సీపీవీసీ పైపింగ్ తీసుకొచ్చిన తొలి కంపెనీ ఇదే.

Also Read : అప్పులు లేని ప్రభుత్వ కంపెనీ.. 3 సార్లు బోనస్ జారీ.. ఇన్వెస్టర్లకు రూ.50 కోట్లు!

Read latest Business News and Telugu News

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.