యాప్నగరం

Multibagger Stocks: రూ.100 నుంచి 1365కు పెరిగిన షేరు.. లక్షను రూ.13.50 లక్షలు చేసిన స్టాక్.. ఏకంగా 1250 శాతం లాభం

Multibagger Stocks: భారత స్టాక్ మార్కెట్లలో ఎన్నో స్టాక్స్ ఇన్వెస్టర్లకు కళ్లుచెదిరే లాభాన్ని అందించాయి. అందులో ముఖ్యంగా మల్టీబ్యాగర్ స్టాక్స్ గురించి మాట్లాడుకోవాలి. ఇవి అనతికాలంలోనే షేరు విలువను ఎన్నో రెట్లు పెంచుకుంటుంది. అలాంటి మల్టీబ్యాగర్ స్టాక్ ఇప్పుడు చూద్దాం.

Authored byపూర్ణచందర్ తూనం | Samayam Telugu 13 Feb 2023, 6:31 pm
Samayam Telugu MULTIBAGGER STOCKS
Multibagger Stocks: స్టాక్ మార్కెట్లు ఎప్పుడు ఎలా ప్రతిస్పందిస్తాయో చెప్పడం చాలా చాలా కష్టం. ఇది ఎన్నో అంశాలతో ముడిపడి ఉంటుంది. ఎన్నో ప్రభావితం చేస్తుంటాయి. ఇదే క్రమంలో కొంత మంది సరైన పద్ధతిలో ఇన్వెస్ట్ చేస్తూ లక్షల్లో సంపాదిస్తుంటారు. ఇంకొందరు లాభాలు ఎలా వస్తాయో తెలియక తికమకపడుతుంటారు. ఇంకొందరు ఏం తెలుసుకోకుండా ఇన్వెస్ట్ చేస్తూ డబ్బులు పోగొట్టుకుంటారు. అందుకే స్టాక్ మార్కెట్లలో ఇన్వెస్ట్ చేసే వారికి దానిపై స్పష్టమైన అవగాహన ఉండాలి. ఆర్థిక నిపుణులు ఇచ్చే సలహాలు పాటించాలి. అప్పుడు సరైన స్టాక్స్‌లో ఇన్వెస్ట్ చేయాలి. అప్పుడు లాభాలు ఎందుకు రావు? అలాంటి ఒక స్టాక్ గురించి ఇప్పుడు మనం తెలుసుకుందాం.

యశో ఇండస్ట్రీస్ లిమిటెడ్ (Yasho Industries Limited Share). భారత స్టాక్ మార్కెట్లో మల్టీబ్యాగర్ రిటర్న్స్ అందించిన స్టాక్స్‌లో ఇది కూడా ఒకటి. గత ఏడాది కాలంగా స్టాక్ మార్కెట్లో అనిశ్చితి కొనసాగినప్పటికీ ఈ స్టాక్ మాత్రం అంతకుముందు నుంచి అదిరిపోయే లాభాలను ఇన్వెస్టర్లకు ఇవ్వడం విశేషం. గత ఐదేళ్లుగా చూస్తే ఈ కెమికల్ స్టాక్ రూ. 100 నుంచి ఏకంగా రూ.1365కు చేరింది. అంటే ఇన్వెస్టర్లకు 1250 శాతం వరకు రిటర్న్స్ అందించింది.

Federal Bank:సేవింగ్స్ అకౌంట్ వడ్డీ రేట్లు పెంపు.. బ్యాంక్‌ ఖాతాలో డబ్బులుంటే అధిక వడ్డీ.. పండగే!

ఇటీవలి కాలంలో స్టాక్ మార్కెట్లు ఒడుదొడుకులకు లోనయ్యాయి. దీంతో గత 6 నెలల కాలంలో ఇది 12 శాతం, ఏడాదిలో 25 శాతం పడిపోయింది. ఇటీవల నష్టాల్లో ఉన్నా.. ఈ స్టాక్ ఇప్పటికీ ఇన్వెస్టర్లకు ఆకర్షణీయంగా కనిపిస్తోంది. గత రెండేళ్ల కాలంలోనూ 125 శాతం లాభాలను ఇన్వె్స్టర్లకు ఇచ్చింది.

బాబోయ్.. Hyderabad Hitech City లో నెలకు ఇంత రెంట్ కట్టాలా? ఎక్కడెక్కడ Rents ఎలా ఉన్నాయంటే?
ఈ లెక్కన యశో ఇండస్ట్రీస్ స్టాక్‌లో 6 నెలల కిందట రూ. లక్ష పెట్టుబడి పెడితే అది నేడు రూ.88 వేలు అయ్యేది. ఇక ఏడాది కిందట ఇందులో లక్ష ఇన్వెస్ట్ చేస్తే గనుక అది రూ.75 వేలకు పడిపోయేది. ఈ సమయంలో నష్టపోయినప్పటికీ.. గడచిన రెండేళ్ల కాలంలో మాత్రం లక్ష ఇన్వెస్ట్‌మెంట్‌ను రూ.2.25 లక్షలు చేసింది. ఇక ఐదేళ్లలో రూ. లక్ష ఇన్వెస్ట్ చేస్తే అది రూ.13.50 లక్షలయ్యేది. ఇక ఈ యశో ఇండస్ట్రీస్ లిమిటెడ్ స్టాక్‌లో 2022 డిసెంబర్ నాటికి ఆశిష్ కచోలియా ఇందులో 4,35,350 షేర్లను కలిగి ఉన్నారు. ఈయన ఇంకా దీనిపై చాలా ఆసక్తి ప్రదర్శిస్తున్నారు.

Read Latest Business News and Telugu News
రచయిత గురించి
పూర్ణచందర్ తూనం
తూనం పూర్ణ చందర్ సమయం తెలుగులో డిజిటల్ కంటెంట్ ప్రొడ్యూసర్‌గా పనిచేస్తున్నారు. ఇక్కడ రోజూ బిజినెస్‌ రంగానికి సంబంధించిన వార్తలు రాస్తుంటారు. పర్సనల్ ఫైనాన్స్, ఇన్వెస్ట్‌మెంట్స్, మ్యూచువల్ ఫండ్స్, స్టాక్ మార్కెట్లు, బంగారం వెండి ధరలపై ఎప్పటికప్పుడు అప్‌డేట్లు అందిస్తుంటారు. పూర్ణచందర్‌కు జర్నలిజంలో ఐదేళ్లకుపైగా అనుభవం ఉంది. గతంలో ప్రముఖ మీడియా సంస్థల్లో బిజినెస్, నేషనల్, స్పోర్ట్స్ డెస్కుల్లో పనిచేశారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.