Trending Stocks: ఏ టెన్షన్ లేకుండా దూసుకెళ్తున్న స్టాక్స్ ఇవే.. వీటిల్లో ఇన్వెస్ట్ చేస్తే మైండ్ బ్లోయింగ్ రిటర్న్స్!

Trending Stocks: స్టాక్ మార్కెట్ సూచీలు ఇవాళ లాభనష్టాల మధ్య ఊగిసలాడుతున్నాయి. ఆరంభంలో లాభాలు.. ఆ తర్వాత ఫ్లాట్‌గా ట్రేడయిన సూచీలు ప్రస్తుతం మళ్లీ స్వల్ప ఒడుదొడుకుల్లో ఉన్నాయి. ఈ వార్త రాసే సమయంలో సెన్సెక్స్ దాదాపు 100 పాయింట్ల లాభంతో 61 వేల 500 మార్కు ఎగువకు చేరింది. నిఫ్టీ 20 పాయింట్లు పెరిగి 18 వేల 150 మార్కు వద్ద కదలాడుతోంది. 2022-23 ఆర్థిక సంవత్సరం చివరి త్రైమాసిక ఫలితాల్లో అదరగొట్టిన స్టేట్ బ్యాంక్ ఆఫ్ ఇండియా షేరు మోస్ట్ యాక్టివ్‌లో ఉంది. ఇక ఐటీ షేర్లు కూడా పుంజుకుంటున్నాయి. టెక్ మహీంద్రా, ఇన్ఫోసిస్, హెచ్‌సీఎల్ టెక్, టాటా మోటార్స్, విప్రో రాణిస్తుండగా.. ఇదే సమయంలో యూపీఎల్, టాటా కన్జూమర్ ప్రొడక్ట్స్ లిమిటెడ్, జేఎస్‌డబ్ల్యూ స్టీల్, టాటా స్టీల్, బ్రిటానియా డీలాపడ్డాయి.

మార్కెట్లు ఒడుదొడుకుల్లో ట్రేడవుతున్న సమయంలోనే కొన్ని స్టాక్స్ శుక్రవారం సెషన్‌లో టాప్ ట్రెండింగ్‌లోకి వెళ్లాయి. ఆ స్టాక్స్ జీ ఆర్ ఇన్‌ఫ్రాస్ట్రక్చర్, ఎస్‌బీసీ ఎక్స్‌పోర్ట్స్, వర్టియస్ (ఇండియా). ఇక ఇవి ఒక్కో స్టాక్ ఎంత శాతం పెరిగింది.. ఏ రంగాల్లో కార్యకలాపాలు నిర్వహిస్తున్నాయి. .వంటివి చూద్దాం.

G R Infra Projects Limited: జీఆర్ ఇన్‌ఫ్రాప్రాజెక్ట్స్ లిమిటెడ్ కంపెనీ నికర లాభం 2022-23 ఆర్థిక సంవత్సరం మార్చితో ముగిసిన త్రైమాసికంలో 40.90 శాతం పెరిగి రూ.389.68 కోట్లుగా నమోదైంది. ఇక అంతకుముందు ఆర్థిక సంవత్సరం ఇదే క్వార్టర్‌లో కంపెనీ లాభం రూ. 276.56 కోట్లుగా ఉండేది. ఇక ఈ ఆర్థిక సంవత్సరం మొత్తంలో చూసుకుంటే ఈ కంపెనీ నికర లాభం 74.83 శాతం మేర పెరిగి రూ.1454.43 కోట్లుగా ఉంది. ఈ స్టాక్ ధర ఇవాళ 5 శాతానికిపైగా పెరిగింది.

SBC Exports: ఎస్‌బీసీ ఎక్స్‌పోర్ట్స్ నికర లాభం 110.64 శాతం పుంజుకొని.. రూ. 2.97 కోట్లుగా నమోదైంది. ఇది 2023 మార్చితో ముగిసిన త్రైమాసికానికి. ఇక అంతకుముందు ఆర్థిక సంవత్సరం ఇదే త్రైమాసికంలో ఇది రూ.1.41 కోట్లుగా ఉండేది. ఇక ఆర్థిక సంవత్సరం మొత్తంలో చూసుకుంటే నికర లాభం దాదాపు 100 శాతం పెరగడం విశేషం. ఈ స్టాక్ 2 శాతం వరకు పుంజుకుంది.

Veritas (India): గత ఆర్థిక సంవత్సరం చివరి త్రైమాసికంలో వర్టియస్ కంపెనీ నికర లాభం 52 శాతానికిపైగా పుంజుకొని.. రూ.29.06 కోట్లుగా నమోదైంది. సేల్స్ కూడా భారీగానే పెరిగాయి. ఈ స్టాక్ కూడా 2 శాతం లాభంలో ఉంది.

గమనిక: నంబర్ 1 ఇన్వెస్ట్‌మెంట్ మ్యాగజైన్ దలాల్ స్ట్రీట్ ఇన్వెస్ట్‌మెంట్ జర్నల్ ఈ ఆర్టికల్‌ను అందించింది. అప్‌డేట్స్ కోసం ఈ లింక్‌పై క్లిక్ చేయండి.

Disclaimer: This above is third party content and TIL hereby disclaims any and all warranties, express or implied, relating to the same. TIL does not guarantee, vouch for or endorse any of the above content or its accuracy nor is responsible for it in any manner whatsoever. The content does not constitute any investment advice or solicitation of any kind. Users are advised to check with certified experts before taking any investment decision and take all steps necessary to ascertain that any information and content provided is correct, updated verified.

• Read Latest Business News and Telugu News