These Penny Stocks Are Locked In The Upper Circuit Today
Penny Stocks: కొత్త సంవత్సరానికి ముందు అదరగొడుతున్న రూపాయి షేర్లు.. వీటితో కాసుల పంటే!
Penny Stocks: 2022 సంవత్సరానికి ఇంకా 2 రోజులు మాత్రమే మిగిలి ఉంది. స్టాక్ మార్కెట్లకు మాత్రం ఇవాళే ఆఖరి రోజు. ఈ నేపథ్యంలో మార్కెట్లు ఫ్లాట్గా ట్రేడవుతున్నాయి. మార్కెట్లు ఫ్లాట్గా ఉన్నప్పటికీ కొన్ని పెన్నీ స్టాక్స్ మాత్రం అదరగొడుతున్నాయి. అప్పర్‌సర్క్యూట్‌లో లాకయ్యాయి. ఆ లిస్ట్ ఓసారి చూద్దాం. BSE స్మాల్ క్యాప్‌లో V2 రిటైల్ లిమిటెడ్ టాప్ గెయినర్‌గా ఉంది. ఇది ఒక్కరోజే 15 శాతం వరకు లాభపడింది.
Penny Stocks: కొత్త సంవత్సరానికి ముందు స్టాక్ మార్కెట్లు మంచి ఊపులో ఉన్నాయి. అమెరికా స్టాక్ మార్కెట్లు గత సెషన్‌లో మంచి లాభాలను నమోదు చేసిన నేపథ్యంలో దేశీయ స్టాక్ మార్కెట్ సూచీలు కూడా పుంజుకుంటున్నాయి. ఆరంభంలో లాభాల్లో ఉన్న సూచీలు ప్రస్తుతం ఫ్లాట్గా ట్రేడవుతున్నాయి. ఈ వార్త రాసే సమయానికి బొంబాయి స్టాక్ ఎక్స్చేంజి సూచీ సెన్సెక్స్ 60 పాయింట్లకుపైగా పెరిగి 61 వేల 200 మార్కు వద్ద ఉంది. నేషనల్ స్టాక్ ఎక్స్చేంజి సూచీ నిఫ్టీ 20 పాయింట్లు పెరిగి 18 వేల 200 మార్కు వద్ద కదలాడుతోంది. ఐటీ, మెటల్, ఆయిల్ అండ్ గ్యాస్, పీఎస్‌యూ బ్యాంకింగ్ ఇండెక్స్ రాణిస్తున్నాయి. బజాజ్ ఫిన్‌సర్వ్, బజాజ్ ఫినాన్స్, ఓఎన్‌జీసీ, హిందాల్కో, బీపీసీఎల్ రాణిస్తున్నాయి. ఎస్‌బీఐ లైఫ్ ఇన్సూరెన్స్, ఐసీఐసీఐ బ్యాంక్, ఐషర్ మోటార్స్, ఇండస్‌ఇండ్ బ్యాంక్, గ్రేసిమ్ డీలాపడ్డాయి.
Samayam Telugu
ఈ వార్త రాసే సమయానికి మొత్తం 2,283 షేర్లు లాభాల్లో ఉండగా.. 1034 షేర్లు పడిపోయాయి. BSE హెల్త్‌ కేర్, BSE బ్యాంకింగ్ ఇండెక్స్ మాత్రం నష్టాల్లో ట్రేడవుతున్నాయి. BSE స్మాల్ క్యాప్ ఇండెక్స్ 1 శాతం మేర పుంజుకుంది. BSE స్మాల్ క్యాప్‌లో V2 రిటైల్ లిమిటెడ్ టాప్ గెయినర్‌గా ఉంది. ఇది ఒక్కరోజే 15 శాతం వరకు లాభపడింది.
ఇటీవల యూఎస్ ఫెడ్ వడ్డీ రేట్లు పెంచిన సమయంలో స్టాక్ మార్కెట్లు బాగా నష్టపోయాయి. అయితే ఇప్పుడు తదుపరి వడ్డీ రేట్ల పెంపు కఠినంగా ఉండకపోవచ్చని సంకేతాలు అందిన నేపథ్యంలో అమెరికా స్టాక్ మార్కెట్ సూచీలు గురువారం సెషన్‌లో భారీగా పెరిగాయి. నాస్‌డాక్ కాంపోజిట్ సూచీ 2 శాతానికిపైగా పెరిగింది. డౌ జోన్స్, ఎస్ అండ్ పీ 500 ఇండెక్స్ కూడా బాగానే పుంజుకుంది. ఇదే ప్రభావం దేశీయ మార్కెట్లపైనా కనిపిస్తోంది. ఆర్థిక మాంద్యం భయాలు.. ఐటీకి కష్టకాలం.. వేలాది ఉద్యోగుల్ని పీకేస్తున్న దిగ్గజ కంపెనీలు
మార్కెట్లు ఫ్లాట్గా ట్రేడవుతున్న నేపథ్యంలో కొన్ని పెన్నీ స్టాక్స్ అదరగొడుతున్నాయి. అన్నీ అప్పర్‌సర్క్యూట్‌లో లాకయ్యాయి. వీటిపై దృష్టి పెట్టాలని నిపుణులు సూచిస్తున్నారు. రానున్న సెషన్లలోనూ ఇవి పెరిగే అవకాశాలే కనిపిస్తున్నాయి. ఆ పెన్నీ షేర్లు ఏంటో ఓసారి చూద్దాం.
భారతదేశపు నంబర్ 1 ఇన్వెస్ట్‌మెంట్ మ్యాగజైన్ దలాల్ స్ట్రీట్ ఇన్వెస్ట్‌మెంట్ జర్నల్ ఈ ఆర్టికల్‌ను అందించింది. విన్నింగ్ స్టాక్స్, సిఫార్సులకు సంబంధించిన అప్డేట్స్ క్రమం తప్పకుండా పొందడం కోసం ఈ దలాల్ స్ట్రీట్ ఇన్వెస్ట్‌మెంట్ లింక్‌పై క్లిక్ చేయండి.
Disclaimer: This above is third party content and TIL hereby disclaims any and all warranties, express or implied, relating to the same. TIL does not guarantee, vouch for or endorse any of the above content or its accuracy nor is responsible for it in any manner whatsoever. The content does not constitute any investment advice or solicitation of any kind. Users are advised to check with certified experts before taking any investment decision and take all steps necessary to ascertain that any information and content provided is correct, updated verified.
తూనం పూర్ణ చందర్ సమయం తెలుగులో డిజిటల్ కంటెంట్ ప్రొడ్యూసర్‌గా పనిచేస్తున్నారు. ఇక్కడ రోజూ బిజినెస్ రంగానికి సంబంధించిన వార్తలు రాస్తుంటారు. పర్సనల్ ఫైనాన్స్, ఇన్వెస్ట్‌మెంట్స్, మ్యూచువల్ ఫండ్స్, స్టాక్ మార్కెట్లు, బంగారం వెండి ధరలపై ఎప్పటికప్పుడు అప్‌డేట్లు అందిస్తుంటారు. పూర్ణచందర్‌కు జర్నలిజంలో ఐదేళ్లకుపైగా అనుభవం ఉంది. గతంలో ప్రముఖ మీడియా సంస్థల్లో బిజినెస్, నేషనల్, స్పోర్ట్స్ డెస్కుల్లో పనిచేశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
