Multibagger Stock: అప్పట్లో స్టాక్ ధర కేవలం రూపాయినే.. లక్ష పెట్టిన వారికి రూ.6.39 కోట్లు అందించింది!

Multibagger Stock: స్టాక్ మార్కెట్లో చాలా మల్టిబ్యాగర్ స్టాక్స్ తమ ఇన్వెస్టర్లకు కనక వర్షం కురిపిస్తున్నాయి. అలాంటి స్టాక్స్‌లో ఒకటే యూపీఎల్ లిమిటెడ్. ఈ కంపెనీ స్టాక్ ధర ఒకప్పుడు కేవలం రూపాయినే. ఇది పెన్నీ స్టాక్స్ జాబితాలో ఒకటిగా ఉండేది. ప్రస్తుతం ఈ కంపెనీ షేరు ధర రూ.750కి పైగా పెరిగింది. ఈ స్టాక్‌లో డబ్బులు పెట్టిన వారికి కూడా కాసుల వర్షం అలానే కురిసింది. యూపీఎల్ కంపెనీ లార్జ్ క్యాప్ కంపెనీ. ఈ కంపెనీ మార్కెట్ క్యాప్ రూ.58,671.05 కోట్లు. ఈ కంపెనీ షేర్లు తమ ఇన్వెస్టర్లకు అద్భుతమైన రిటర్నులను అందించాయి. ఇరవై ఏళ్లలో యూపీఎల్ స్టాక్ ధర రూపాయి నుంచి రూ.767కి పెరిగింది. ఈ స్టాక్ ఈ ఇరవై ఏళ్లలో 63,883.33 శాతం పెరిగింది.

యూపీఎల్ షేర ధర హిస్టరీ..
ప్రస్తుతం యూపీఎల్ షేరు ధర రూ.767.80 వద్ద ట్రేడవుతోంది. 2002 జూలైలో ఈ షేరు ధర కేవలం రూ.1.20 మాత్రమే. ఒకవేళ ఆ సమయంలో ఎవరైనా లక్ష రూపాయలను ఇన్వెస్ట్ చేసి ఉంటే.. ప్రస్తుతం వారికి రూ.6.39 కోట్లు అయ్యేవి. గత ఐదేళ్లలో కూడా ఈ స్టాక్ 38.31 శాతం రిటర్నులను అందించింది. గత ఏడాదిలో 6.79 శాతం రిటర్నులను ఆఫర్ చేసింది.

యూపీఎల్ స్టాక్ ధర 2022 మే 4న రూ.848 వద్ద 52 వారాల గరిష్ట స్థాయిని తాకింది. ఈ స్టాక్ రూ.607 వద్ద 52 వారాల కనిష్ట స్థాయిని తాకింది. ప్రస్తుతం ఈ షేరు రూ.767 రేంజ్‌లో ట్రేడవుతూ ఉంది.

ఈ మార్కు నుంచి యూపీఎల్ షేరు ధర 37 శాతం పెరిగే ఛాన్స్ ఉందని బ్రోకరేజ్ సంస్థలు చెబుతున్నాయి. 2023 ఆర్థిక సంవత్సరంలో కంపెనీ రెవెన్యూ గ్రోత్12 శాతం నుంచి 15 శాతం పెరుగుతుందని ఛోలా వెల్త్ డైరెక్ట్ చెప్పింది. యూపీఎల్ ప్రపంచంలోనే ఐదో అతిపెద్ద ఆగ్రోకెమికల్ కంపెనీ. ఈ కంపెనీ వ్యాపారాలు 138 దేశాలలో ఉన్నాయి. అగ్రికల్చర్ వాల్యూ చెయిన్‌కి సంబంధించిన వ్యాపారాలను ఈ కంపెనీ నిర్వహిస్తోంది.

Also Read :చుట్టుముట్టిన ఆర్థిక సవాళ్లు... ఉద్యోగులకు యాన్యువల్ బోనస్‌లపై వేటు!

Also Read :LIC Policy: కేవలం రూ.29 పెట్టుబడితోనే.. మహిళలు లక్షాధికారులు కావొచ్చు!