టాటా మోటార్స్కు సంబంధించిన ‘జాగ్వార్ లాండ్ రోవర్’.. మరో కొత్త రేంజ్ రోవర్ ‘వెలార్’ మోడల్ను అంతర్జాతీయ విపణిలోకి తీసుకొచ్చింది. దీన్ని రతన్ టాటా కలల ప్రాజెక్టుగా పేర్కొంటారు. లండన్లోని డిజైన్ మ్యూజియమ్లో నిర్వహించిన కార్యక్రమంలో ‘వెలార్’ను.. చీఫ్ డిజైన్ అధికారి గేరి మెక్ గోవర్న్ మార్చి 1న సాయంత్రం ఆవిష్కరించారు. బ్రెగ్జిట్ వల్ల మార్కెట్లో సవాళ్లు ఎదురవుతున్నా.. విలాసవంతమైన కార్ల ఉత్పత్తిని పెంచుకోవాలనే లక్ష్యంలో భాగంగా దీన్ని తీసుకొచ్చినట్లు ఆయన తెలిపారు.
ఈ రేంజ్ రోవర్ వెలార్ మోడల్ ధర 45,000 పౌండ్లు. అంటే సుమారుగా రూ. 37 లక్షలకు సమానం. భారత్తో పాటు ప్రపంచవ్యాప్తంగా 100కు పైగా దేశాల మార్కెట్లో ఆర్డర్లు తీసుకోవడం మొదలుపెట్టనున్నట్లు మెక్ గోవర్న్ తెలిపారు. దీన్ని టాటా గ్రూపు గౌరవ ఛైర్మన్ రతన్ టాటాకు అంకితమిస్తున్నట్లు ఆయన ప్రకటించారు. ‘నేను రతన్ టాటాకు ధన్యవాదాలు చెప్పాలనుకుంటున్నా. వెలార్ డిజైన్ మొదలు పెట్టినప్పటి నుంచి ఆయన దీనిపై ప్రత్యేక శ్రద్ధ కనబరిచారు. తయారీ పూర్తయ్యే వరకు ప్రతి ఒక్క విషయాన్ని నిశితంగా గమనిస్తూ.. ఎప్పటికప్పుడు సూచనలు చేశారు’ అని మెక్గోవర్న్ అన్నారు.
‘రూపకల్పనకు ప్రజల జీవితాన్ని మార్చే శక్తి ఉంది. వెలార్ అనేది మా ఆత్మవిశ్వాసానికి ఒక చిహ్నం. ఈ సంవత్సరం ఇదొక మంచి ఉత్పత్తిగా నిలిచిపోతుంది’ అని మెక్గోవర్న్ పేర్కొన్నారు. బ్రిటన్లో 1970ల నుంచే రేంజ్ రోవర్ కార్ ఒక విలాసవంతమైన కారుగా గుర్తింపు పొందింది. బ్రిటన్ కార్ల విపణిలో 85 శాతం అమ్మకాలతో జాగ్వార్ లాండ్ రోవర్ మొదటి స్థానంలో ఉంది. గతేడాది ఈ సంస్థ 5,83,313 కార్లను విక్రయించగా అందులో 44 శాతం రేంజ్ రోవర్ మోడళ్లే ఉండటం గమనార్హం. ఈ నమూనాలో ఇప్పటికే ‘రేంజ్ రోవర్ ఎవాక్’, ‘రేంజ్ రోవర్ స్పోర్ట్’ అనే రెండు మోడళ్లు ఉండగా.. తాజాగా వెలార్ పేరుతో మూడో మోడల్ కారును తీసుకొచ్చారు.
ఈ రేంజ్ రోవర్ వెలార్ మోడల్ ధర 45,000 పౌండ్లు. అంటే సుమారుగా రూ. 37 లక్షలకు సమానం. భారత్తో పాటు ప్రపంచవ్యాప్తంగా 100కు పైగా దేశాల మార్కెట్లో ఆర్డర్లు తీసుకోవడం మొదలుపెట్టనున్నట్లు మెక్ గోవర్న్ తెలిపారు. దీన్ని టాటా గ్రూపు గౌరవ ఛైర్మన్ రతన్ టాటాకు అంకితమిస్తున్నట్లు ఆయన ప్రకటించారు. ‘నేను రతన్ టాటాకు ధన్యవాదాలు చెప్పాలనుకుంటున్నా. వెలార్ డిజైన్ మొదలు పెట్టినప్పటి నుంచి ఆయన దీనిపై ప్రత్యేక శ్రద్ధ కనబరిచారు. తయారీ పూర్తయ్యే వరకు ప్రతి ఒక్క విషయాన్ని నిశితంగా గమనిస్తూ.. ఎప్పటికప్పుడు సూచనలు చేశారు’ అని మెక్గోవర్న్ అన్నారు.
‘రూపకల్పనకు ప్రజల జీవితాన్ని మార్చే శక్తి ఉంది. వెలార్ అనేది మా ఆత్మవిశ్వాసానికి ఒక చిహ్నం. ఈ సంవత్సరం ఇదొక మంచి ఉత్పత్తిగా నిలిచిపోతుంది’ అని మెక్గోవర్న్ పేర్కొన్నారు. బ్రిటన్లో 1970ల నుంచే రేంజ్ రోవర్ కార్ ఒక విలాసవంతమైన కారుగా గుర్తింపు పొందింది. బ్రిటన్ కార్ల విపణిలో 85 శాతం అమ్మకాలతో జాగ్వార్ లాండ్ రోవర్ మొదటి స్థానంలో ఉంది. గతేడాది ఈ సంస్థ 5,83,313 కార్లను విక్రయించగా అందులో 44 శాతం రేంజ్ రోవర్ మోడళ్లే ఉండటం గమనార్హం. ఈ నమూనాలో ఇప్పటికే ‘రేంజ్ రోవర్ ఎవాక్’, ‘రేంజ్ రోవర్ స్పోర్ట్’ అనే రెండు మోడళ్లు ఉండగా.. తాజాగా వెలార్ పేరుతో మూడో మోడల్ కారును తీసుకొచ్చారు.