ఎల్జీ నుంచి స్టైలో 3 స్మార్ట్‌ఫోన్

కొరియాకు చెందిన ఎలక్ట్రానిక్స్ దిగ్గజం ఎల్జీ తన స్టైలో స్మార్ట్‌ఫోన్ సిరీస్‌లో కొత్త మొబైల్‌ను విడుదల చేసింది. ఈ మేరకు కన్జ్యూమర్ ఎలక్ట్రానిక్స్ షో (CES 2017)లో స్టైలో 3 స్మార్ట్‌ఫోన్‌ను ఎల్జీ విడుదల చేసింది. ఆండ్రాయిడ్ 7.0 నౌగాట్ ఆపరేటింగ్ సిస్టమ్‌తో నడిచే ఈ స్మార్ట్‌ఫోన్ ఎల్జీ స్టైలో 2కు కొనసాగింపు.

5.7 అంగుళాల ఇన్‌సెల్ హెచ్‌డీ డిస్ప్లేతో వస్తున్న ఈ స్మార్ట్‌ఫోన్‌లో ఆక్టాకోర్ మీడియాటెక్ ఎమ్‌టీ6750 ప్రాసెసర్‌ను అమర్చారు. 3జీబీ ర్యామ్‌, 16జీబీ ఇంటర్నల్ స్టోరేజీని ఈ స్టైలో 3 కలిగిఉంది. మైక్రోఎస్డీతో స్టోరేజీని పెంచుకోవచ్చు. 13ఎంపీ వెనుక కెమెరా, సెల్ఫీల కోసం 8ఎంపీ ముందు కెమెరా అమర్చారు. 4జీ ఎల్‌టీఈ, వైఫై, బ్లూటూత్ 4.2, యూఎస్‌బీ 2.0 కనెక్టవిటీ తదితర ఫీచర్లున్నాయి. స్టైలో 3లో ఫింగర్ ప్రింట్ సెన్సార్ కూడా ఉంది. అయితే ఫోన్ ఖరీదు, ఎప్పుడు మార్కెట్లోకి వస్తుందన్న విషయాన్ని కంపెనీ వెల్లడించలేదు.