AP EAMCET Counselling 2020: ఈనెల 11 నుంచి ఎంసెట్‌ రెండో విడత కౌన్సెలింగ్.. పూర్తి వివరాలివే‌

ఏపీ ఎంసెట్‌-2020 అడ్మిషన్ల(ఎంపీసీ) రెండో దశ నోటిఫికేషన్‌ను సాంకేతిక విద్యాశాఖ విడుదల చేసింది. ఏపీ ఎంసెట్‌ (ఎంపీసీ స్ట్రీమ్‌) రెండో విడత కౌన్సెలింగ్‌ 11 నుంచి మొదలుకానుంది. జ‌న‌వ‌రి 11 నుంచి 13 వరకు ప్రాసెసింగ్‌ ఫీజు చెల్లింపు, ధ్రువపత్రాల పరిశీలన, కోర్సులు, కళాశాలల ఎంపికకు ఆప్షన్ల నమోదుకు అవకాశం కల్పించారు. 16న సీట్ల కేటాయింపు చేయనున్నారు.

తొలి దశలో సర్టిఫికెట్ల పరిశీలనకు హాజరు కాని అభ్యర్థులు కూడా రెండో దశలో రాష్ట్ర వ్యాప్తంగా ఏర్పాటు చేసిన 25 హెల్ప్‌లైన్‌ సెంటర్లలో ఈ నెల 11, 12 తేదీల్లో సర్టిఫికెట్లను వెరిఫికేషన్‌ చేయించుకోవచ్చని సాంకేతిక విద్యాశాఖ పేర్కొంది. అదేవిధంగా 11, 12, 13 తేదీల్లో వెబ్‌ ఆప్షన్లు నమోదు చేసుకోవచ్చు.

ఏపీ: ఇంటర్‌ విద్యార్థులకు గుడ్‌న్యూస్‌.. ట్యూషన్‌ ఫీజులో 30 శాతం డిస్కౌంట్‌.. 70 శాతం కడితే సరిపోతుంది.!
తొలిదశ కౌన్సెలింగ్‌లో సీటు వచ్చినా చేరనివారు.. సర్టిఫికెట్ల వెరిఫికేషన్‌ పూర్తయినా సీటు పొందలేని వారు, ఆప్షన్లు ఇచ్చుకోని వారు, సీటు పొంది కాలేజీలో రిపోర్టు చేసినా మంచి ఆప్షన్‌ ఆశిస్తున్న వారు, కాలేజీలో రిపోర్టు చేసినా/చేయకపోయినా అలాట్‌మెంట్‌ రద్దు చేసుకోదలచిన వారు ఇప్పుడు రెండో విడతలో సర్టిఫికెట్ల వెరిఫికేషన్‌ చేయించుకోవచ్చని వివరించింది.

అదేవిధంగా ఆప్షన్లు నమోదు చేసుకోవచ్చని సాంకేతిక విద్యాశాఖ తెలిపింది. రెండో విడతలో ఇచ్చే ఆప్షన్లను మాత్రమే పరిగణనలోకి తీసుకుంటామని పేర్కొంది. ఇక, తొలి దశలో ప్రాసెసింగ్‌ ఫీజు చెల్లించని అభ్యర్థులు ఈ నెల 11 నుంచి చెల్లించాల్సి ఉంటుంది. ఓసీ/బీసీ అభ్యర్థులు రూ.1200, ఎస్సీ/ఎస్టీ అభ్యర్థులు రూ.600 ఆన్‌లైన్‌లో క్రెడిట్‌ కార్డు/డెబిట్‌ కార్డు లేదా నెట్‌ బ్యాంకింగ్‌ ద్వారా ఫీజు చెల్లించవచ్చు.

అధికారిక ప్రకటన:

APEAMCET2020SECONDPHASENOTIFICATION