AP: గురుకుల స్కూల్స్‌ 5వ తరగతి ప్రవేశాలకు నోటిఫికేషన్ విడుదల.. పూర్తి వివరాలు ఇవే

రాష్ట్ర వ్యాప్తంగా ఉన్న సాధారణ, మైనార్టీ గురుకుల పాఠశాలల్లో 2020-21 విద్యాసంవత్సరానికి గాను ఐదో తరగతిలో ప్రవేశానికి సంబంధించి ఆంధ్రప్రదేశ్ గురుకుల విద్యాలయాల సంస్థ (ఏపీఆర్‌ఈఐఎస్) నోటిఫికేషన్‌ విడుదల చేసింది.

ప్రభుత్వ ఉత్తర్వుల మేరకు లాటరీ ద్వారా విద్యార్థులను ఎంపిక చేయనున్నట్లు సంస్థ కార్యదర్శి డాక్టర్ ఎం.ఆర్ ప్రసన్నకుమార్ తెలిపారు.

ఈనెల 27న జిల్లా కలెక్టర్ కార్యాలయంలో లాటరీ ద్వారా విద్యార్థులను ఎంపిక చేసి, ఎంపికైన వారికి కౌన్సెలింగ్‌ ద్వారా పాఠశాల కేటాయింపు చేపడతారు.

గుంటూరుజిల్లాలోని తాడికొండ రీజనల్ సెంటర్ ఆఫ్ ఎక్స్‌లెన్స్ పరిధిలో నిర్వహిస్తున్న పాఠశాలలకు శ్రీకాకుళం, విజయనగరం, విశాఖపట్నం, తూర్పు గోదావరి, పశ్చిమ గోదావరి, క`ష్ణా, గుంటూరు, ప్రకాశం జిల్లాల విద్యార్థులు అర్హులు.

అనంతపురం జిల్లాలోని కొడిగెనహళ్లి రీజనల్ సెంటర్ ఆఫ్ ఎక్స్‌లెన్స్ పరిధిలో నిర్వహిస్తున్న పాఠశాలలకు నెల్లూరుతో పాటు రాయలసీమలోని నాలుగు జిల్లాల్లో చదువుతున్న విద్యార్థులు అర్హులు. జులై 20, 2020 దరఖాస్తుకు చివరితేదీ.

దరఖాస్తు పత్రాలను https://aprjdc.apcfss.in/ లేదా https://apreis.apcfss.in/ వెబ్‌సైట్‌ నుంచి డౌన్‌లోడ్‌ చేసుకోవచ్చు. ఈ వెబ్‌సైట్లలోనే పూర్తి వివరాలు అందుబాటులో ఉంటాయి.