AP KGBV: కస్తూర్బా స్కూల్స్‌లో ప్రవేశాలకు దరఖాస్తు గడువు పెంపు.. పూర్తి వివరాలివే

ఏపీలో సమగ్ర శిక్ష ఆధ్వర్యంలో నిర్వహిస్తున్న 352 కస్తూర్బా గాంధీ బాలికా విద్యాలయాలు (కేజీబీవీ)ల్లో 2021-22కి గాను 6, 11 తరగతుల్లో ప్రవేశాలకు.. 7, 8 తరగతుల్లో మిగిలిన సీట్ల భర్తీ కోసం ఆన్‌లైన్‌లో దరఖాస్తుల స్వీకరణ గడువును పొడిగించినట్లు సమగ్రశిక్ష ఎస్‌పీడీ కె.వెట్రిసెల్వి తెలిపారు. విద్యార్థులు https://apkgbv.apcfss.in/ లోనే ఆన్‌లైన్‌ విధానంలో దరఖాస్తులు పంపాల్సి ఉంటుంది. జులై 25 దరఖాస్తులకు చివరితేది.

నవోదయ ఎంట్రెన్స్‌ టెస్ట్‌ తేదీ ప్రకటన
జవహర్‌ నవోదయ విద్యాలయాల్లో 2021-22 విద్యాసంవత్సరాకి గాను 6వ తరగతి ప్రవేశాలకు నిర్వహించే ప్రవేశ పరీక్ష తేదీ ఖరారయ్యింది. ఈ ప్రవేశ పరీక్షను ఆగస్టు 11న అన్ని రాష్ట్రాలు, కేంద్రపాలిత ప్రాంతాల్లో నిర్వహించనున్నట్లు కేంద్ర విద్యాశాఖ ప్రకటించింది. దేశవ్యాప్తంగా ఈ ప్రవేశ పరీక్ష నిర్వహణకు 11,182 కేంద్రాలను ఏర్పాటు చేసినట్లు తెలిపింది.

టెన్త్‌ క్లాస్‌తో 25,000కు పైగా జాబ్స్‌.. రూ.69,100 వరకు జీతం.. SSC GD Constable 2021 నోటిఫికేషన్‌
2021-22 విద్యాసంవత్సరంలో 47,320 సీట్లకుగాను 24,17,009 మంది విద్యార్థులు దరఖాస్తు చేసుకున్నారు. కోవిడ్‌ నిబంధనలకు అనుగుణంగా పరీక్ష నిర్వహించేందుకు అధికారులు అన్ని ఏర్పాట్లు చేస్తున్నారు. జేఎన్‌వీ ప్రవేశ పరీక్షను హిందీ, ఇంగ్లిష్‌ ఆయా రాష్ట్రాల ప్రాంతీయ భాషల్లో నిర్వహిస్తారు.

పరీక్షకు రెండు గంటల సమయం ఉంటుంది. మెంటల్‌ ఎబిలిటీ, అర్థమ్యాటిక్‌, ల్యాంగ్వేజ్‌ విభాగాల నుంచి ప్రశ్నలుంటాయి. 80 బహులైశ్చిక ప్రశ్నలకు 100 మార్కులు కేటాయించారు. ప్రవేశ పరీక్షలో మెరిట్‌ ఆధారంగా విద్యార్థులకు సీట్లు కేటాయిస్తారు. విద్యార్థులు పూర్తి వివరాలను https://navodaya.gov.in/ వెబ్‌సైట్‌లో చూడొచ్చు.