AP : ఏపీ ఓపెన్‌ స్కూల్‌లో ప్రవేశానికి దరఖాస్తుల ఆహ్వానం.. పూర్తి వివరాలివే

APOSS 10th Inter Admission 2022- 23 : ఏపీ ఓపెన్‌ స్కూల్‌ సొసైటీ ద్వారా 2022-23 విద్యా సంవత్సరంలో 10వ తరగతి, ఇంటర్‌ ప్రవేశానికి తత్కాల్‌ పద్ధతిలో దరఖాస్తు చేసుకునేందుకు అవకాశం కల్పించినట్లు మచిలీపట్నం జిల్లా విద్యాశాఖాధికారి తాహెరాసుల్తానా ఒక ప్రకటనలో తెలిపారు. పదో తరగతికి రూ.300, ఇంటర్మీడియట్‌కు రూ.400 చొప్పున అపరాధ రుసుము చెల్లించి డిసెంబ‌రు 11వ తేదీ వరకు ఆన్‌లైన్‌లో దరఖాస్తు చేసుకోవచ్చని తెలిపారు. 13వ తేదీ వరకు ప్రవేశ ఫీజును చెల్లించవచ్చని పేర్కొన్నారు.

వచ్చే వారం CUET 2023 షెడ్యూల్‌ విడుదల..!
నేషనల్ టెస్టింగ్ ఏజెన్సీ( NTA) త్వరలో CUET 2023 పరీక్ష షెడ్యూల్‌ను విడుదల చేయనున్నట్లు సమాచారం. వచ్చే వారంలో ఈ షెడ్యూల్ విడుదల కానున్నట్లు తెలుస్తోంది. తాజా అప్‌డేట్‌ల కోసం ఎప్పటికప్పుడు CUET వెబ్‌సైట్‌ని http://cuetsamarth.edu.in/ చూస్తూ ఉండాలి. 12వ తరగతి ఉత్తీర్ణులైన అభ్యర్థులు దేశంలోని వివిధ కేంద్రీయ విశ్వవిద్యాలయాలలో అండర్ గ్రాడ్యుయేట్ కోర్సుల్లో ప్రవేశానికి CUET 2023 రాయాల్సి ఉంటుంది. ఢిల్లీ యూనివర్శిటీతో (Delhi University) సహా అనేక కేంద్రీయ విశ్వవిద్యాలయాలు CUET స్కోర్ ఆధారంగా అభ్యర్థులకు ప్రవేశం కల్పిస్తాయి.

13 భాషల్లో ఆన్‌లైన్ మోడ్‌లో పరీక్ష:
CUET పరీక్ష గత సంవత్సరం 13 భాషలలో నిర్వహించబడింది. ఈ పరీక్షను ఆన్ లైన్ లో నిర్వహిస్తారు. కంప్యూటర్ ఆధారిత పరీక్ష రూపంలో నిర్వహించబడుతుంది. ఈ పరీక్ష సిలబస్ గత సంవత్సరం మాదిరిగానే 12వ తరగతి అంశాల ఆధారంగా రూపొందించబడింది. గతేడాదికి భిన్నంగా సిలబస్‌ ఉండకపోవచ్చు. ఇందులో ప్రధానంగా రెండు విభాగాలు ఉంటాయి. ఒకటి జనరల్, మరొకటి సంబంధిత సబ్జెక్ట్ కు ఉంటుంది.

జనరల్ విభాగంలో.. అభ్యర్థులు జనరల్ నాలెడ్జ్, కరెంట్ అఫైర్స్, జనరల్ మెంటల్ ఎబిలిటీ, న్యూమరికల్ ఎబిలిటీ, క్వాంటిటేటివ్ రీజనింగ్ మరియు ఎనలిటికల్ మరియు లాజికల్ రీజనింగ్ మొదలైన వాటికి సంబంధించిన ప్రశ్నలకు సమాధానం ఇవ్వాలి. సబ్జెక్ట్ ఆధారిత విభాగంలో అభ్యర్థులు ఎంచుకున్న సబ్జెక్టులపై ప్రశ్నలు వస్తాయి. కెమిస్ట్రీ, ఫిజిక్స్, మ్యాథ్స్, అకౌంటెన్సీ, ఎకనామిక్స్ మరియు ఇతర సబ్జెక్టుల వంటివి. CUET 2023 పరీక్ష బహుళ ఎంపిక ఆధారిత ప్రశ్నలపై ఆధారపడి ఉంటుంది.