TS CPGET Counselling 2022: నేటి నుంచి పీజీ ప్రవేశాలకు కౌన్సెలింగ్‌ ప్రారంభం.. పూర్తి షెడ్యూల్‌ ఇదే

TS CPGET Counselling Dates 2022: తెలంగాణ రాష్ట్రంలో 2022-23 విద్యాసంవత్సరానికి గాను పీజీ కోర్సుల్లో ప్రవేశాలకు కౌన్సెలింగ్‌ షెడ్యూల్‌ను ఉమ్మడి పీజీ ప్రవేశ పరీక్ష (CPGET) కన్వీనర్‌ పాండురంగారెడ్డి విడుదల చేశారు. ఈ ఏడాది 57,262 మంది సీపీగెట్‌ రాయగా.. కౌన్సెలింగ్‌కు 54,050 మంది అర్హత సాధించారు. రిజిస్ట్రేషన్‌, ఆన్‌లైన్‌లో సర్టిఫికెట్ల పరిశీలన, వెబ్‌ ఆప్షన్ల ప్రక్రియ ముగిశాక.. అక్టోబరు 18న తొలి విడత సీట్లను కేటాయించనున్నారు. మరిన్ని వివరాలకు https://ouadmissions.com/ లేదా https://nipuna.ntnews.com/ లేదా https://cpget.tsche.ac.in/ వెబ్‌సైట్‌లను సందర్శించాలని పాండురంగారెడ్డి సూచించారు.

కౌన్సెలింగ్‌ టైం టేబుల్‌ ఇదే:

• సెప్టెంబ‌రు 28 నుంచి అక్టోబరు 10 వరకు: సర్టిఫికెట్ల ఆన్‌లైన్‌ పరిశీలన, రిజిస్ట్రేషన్‌
• అక్టోబరు 11: తప్పుల సవరణకు అవకాశం
• అక్టోబరు 12- 15: వెబ్‌ ఆప్షన్ల నమోదు
• అక్టోబరు 16: వెబ్‌ ఆప్షన్లలో సవరణలకు అవకాశం
• అక్టోబరు 18: మొదటి విడత సీట్ల కేటాయింపు
• అక్టోబరు 21 వరకు: సీట్లు పొందిన విద్యార్థులు కాలేజీల్లో రిపోర్ట్‌ చేయాలి
• అక్టోబరు 24: రెండో విడత రిజిస్ట్రేషన్లకు ఛాన్స్‌

ఉండాల్సిన సర్టిఫికెట్లు ఇదే:

• ఎస్‌ఎస్‌సీ, ఇంటర్, డిగ్రీ సర్టిఫికెట్లు
• ర్యాంక్ కార్డు
• టీసీ, కులం, ఆదాయం సర్టిఫికెట్లు తప్పనిసరి
• సర్టిఫికెట్లు లేని పక్షంలో అడ్మిషన్‌ తిరస్కరిస్తారు.