Telangana Inter Exams: మే 2 నుంచి తెలంగాణ ఇంటర్‌ పరీక్షలు..?

Telangana Inter Exams 2022: తెలంగాణ ఇంటర్మీడియేట్‌ పరీక్షలు మే నెలలో నిర్వహించేందుకు తెలంగాణ ఇంటర్‌ బోర్డు కసరత్తు చేస్తున్నట్లు సమాచారం. ఇంటర్‌ వార్షిక పరీక్షలను మే 2 నుంచి ప్రారంభించాలని ఇంటర్‌ బోర్డు ప్రయత్నాలు ముమ్మరం చేసినట్లు తెలుస్తోంది.

ఇప్పటివరకు ఏప్రిల్ నెలలో పరీక్షలు నిర్వహిస్తామని చెబుతూ వచ్చిన ఇంటర్‌ బోర్డు.. కరోనా మహమ్మారి కారణంగా ఆఫ్‌ లైన్‌ తరగతులు ఆలస్యంగా ప్రారంభమయ్యాయి. ఇక థర్డ్‌వేవ్‌ నేపథ్యంలో ఇంటర్‌ పరీక్షలు మే నెలలో నిర్వహించాలని భావిస్తున్నట్లు సమాచారం. మే 2వ తేదీ నుంచి 20వ తేదీ వరకు పూర్తయ్యేలా ప్రణాళికలు రూపొందిస్తున్నట్లు వినికిడి.

SSC CGL 2022: భారీ సంఖ్యలో ప్రభుత్వ ఉద్యోగాలు.. రిజిస్ట్రేషన్లు ప్రారంభం.. ఈ అర్హతలుంటే చాలు
ఇక మరోవైపు ఇంటర్‌ మొదటి సంవత్సరంలో 2.35 లక్షల మంది విద్యార్థులు పెయిల్‌ కాగా.. ప్రభుత్వం పాస్‌ మార్కులు వేసి ఉత్తీర్ణులయ్యేలా చేసింది. పాస్ మార్కులతో సంతృప్తి పడని విద్యార్థులు బెటర్‌మెంట్ రాసేందుకు అవకాశాలున్నాయి.

కరోనా ఎఫెక్ట్‌.. టెన్త్‌ పరీక్షలపై ఏపీ ప్రభుత్వం కీలక ప్రకటన
ఏపీలో పదో తరగతి పరీక్షలు మార్చిలోనే నిర్వహిస్తామని విద్యాశాఖ మంత్రి ఆదిమూలపు సురేష్ స్పష్టం చేశారు. 7 సబ్జెక్టులతో పరీక్షలు ఉంటాయని స్పష్టం చేశారు. సంక్రాంతి నాటికి సిలబస్ పూర్తి చేయాలని విద్యాశాఖ అధికారులకు మంత్రి ఆదేశాలు జారీ చేశారు. ఇప్పటికే 15 నుంచి 18 సంవత్సరాలలోపు విద్యార్థులకు ప్రతి స్కూల్‌లో 95 శాతం వ్యాక్సినేషన్ పూర్తి చేసినట్లు మంత్రి వెల్లడించారు.

విద్యా సంవత్సరం ప్రారంభంలో అమ్మ ఒడి మూడో విడత ఇస్తామని విద్యాశాఖ మంత్రి ఆదిమూలపు సురేష్ తెలిపారు. నిబంధనలు పాటించని బీఈడీ, డీఈడీ, 375 కాలేజీలు మూతపడ్డాయని మంత్రి చెప్పారు. ప్రైవేట్ యూనివర్సిటీలో చట్టసవరణ ద్వారా 35 శాతం ఫ్రీ సీట్లు ఇచ్చామని.. అభివృద్ధి, సంక్షేమం ప్రభుత్వానికి రెండు కళ్లన్నారు. ఏ విద్యార్థి డబ్బులు లేక విద్యకు దూరం కాకూడదని.. అమ్మ ఒడి ఇచ్చి విద్యార్థులకు యూనిఫాం, బుక్స్‌తో పాటు మధ్యాహ్న పౌష్టికాహారం అందిస్తున్నామని తెలిపారు.