TS Inter 1st Year Exams: నేటి నుంచి ఇంటర్‌ ఫస్టియర్‌ హాల్‌ టికెట్లు.. డైరెక్ట్‌ లింక్‌ ఇదే

తెలంగాణలో ఈ నెల 25 నుంచి ఇంటర్ ఫస్ట్ ఇయర్ ఎగ్జామ్స్ జరుగనున్న విషయం తెలిసిందే. ఈ నేపథ్యంలో ఎగ్జామ్స్‌కు సంబంధించి హాల్ టికెట్స్ ఇవాళ (అక్టోబర్‌ 19) సాయంత్రం 5 గంటలకు విడుదల చేయనున్నట్లు ఇంటర్ బోర్డ్ అధికారులు వెల్లడించారు. విద్యార్థులు ఇంటర్ బోర్డ్ అధికారిక వెబ్‌సైట్ అయిన https://tsbie.cgg.gov.in/ నుంచి నేరుగా డౌన్ లోడ్ చేసుకోవచ్చు.

తెలంగాణలో 200 ఉద్యోగాల భర్తీకి నోటిఫికేషన్‌ జారీ.. వెంటనే అప్లయ్‌ చేసుకోండి
ఫొటో, సబ్జెక్టు, సంతకం, పేరు ఇతర వివరాలలో ఏమైనా తప్పులు ఉంటే వెంటనే ప్రిన్సిపాల్, జిల్లా ఇంటర్ విద్యాధికారి దృష్టికి తీసుకురావాలి అని విద్యార్థులకు అధికారులు సూచించారు. కాగా.. పరీక్షల సూపరింటెండెంట్‌లు హాల్ టికెట్‌పై ప్రిన్సిపాల్ సంతకం లేకున్నా పరీక్షకు అనుమతి ఇవ్వాలని ఆదేశించారు.

ఇక.. ఈ నెల 25 నుంచి వచ్చే నెల 3 వ తేదీ వరకు ఇంటర్ ఫస్ట్ ఇయర్ పరీక్షలు జరుగనున్నాయి. ఈ పరీక్షలు ఉదయం 9 గంటల నుంచి మధ్యాహ్నం 12 గంటల వరకు జరుగుతాయి. ఇక హుజూరాబాద్ ఉప ఎన్నిక నేపథ్యంలో 29, 30 తేదీల్లో పరీక్షలను నిర్వహించడం లేదు.