GATE 2022 పరీక్ష షెడ్యూల్‌ విడుదల.. జనవరి 3 నుంచి అడ్మిట్​కార్డులు.. పూర్తి వివరాలివే

ఐఐటీల్లో మాస్టర్స్‌ ప్రోగ్రాముల్లో ప్రవేశాలకు నిర్వహించే గ్రాడ్యుయేట్ ఆప్టిట్యూడ్ టెస్ట్ (GATE)– 2022 పరీక్ష షెడ్యూల్ విడుదలైంది. ఈసారి ఐఐటీ ఖరగ్‌పూర్ గేట్ (GATE) 2022 పరీక్షను నిర్వహించనుంది. ఫిబ్రవరి 5 నుంచి 13వ తేదీ వరకు దేశవ్యాప్తంగా ఉన్న పలు నగరాలు, పట్టణాల్లో ఈ పరీక్షను నిర్వహించనున్నారు.

ఈ పరీక్షకు సంబంధించిన అడ్మిట్ కార్డులు (GATE Admit Cards) జనవరి 3న విడుదలకానున్నాయి. అభ్యర్థులు మొత్తం షెడ్యూల్‌ను, అడ్మిట్ కార్డులను ఐఐటీ ఖరగ్పూర్ (IIT Kharagpur) అధికారిక వెబ్‌సైట్ https://gate.iitkgp.ac.in/ నుంచి డౌన్లోడ్ చేసుకోవచ్చు.

పరీక్ష రోజు వరకు అడ్మిట్ కార్డ్‌లను డౌన్‌లోడ్ చేసుకోవచ్చు. ఈసారి కేవలం ఇంజనీరింగ్ గ్రాడ్యుయేట్లే కాకుండా బీడీఎస్ (BDS), ఎం.ఫార్మా అర్హత కలిగిన విద్యార్థులు కూడా ఈ పరీక్షలకు దరఖాస్తు చేసుకునే అవకాశం కల్పించారు.
టెన్త్‌, ఇంటర్‌ వాళ్లకు కేంద్ర ప్రభుత్వ సంస్థలో 322 ఉద్యోగాలు.. పూర్తి వివరాలివే

పరీక్ష షెడ్యూల్‌:
ఈ పరీక్షలను మొత్తం రెండు సెషన్లలో నిర్వహిస్తారు. మొదటి సెషన్ ఉదయం 9 నుంచి మధ్యాహ్నం 12 గంటల వరకు, రెండో సెషన్ మధ్యాహ్నం 2:30 నుంచి సాయంత్రం 5:30 వరకు ఉంటుంది. తాజాగా విడుదల చేసిన గేట్ బ్రోచర్ ప్రకారం.. ఈ కంప్యూటర్ బేస్డ్ టెస్ట్ (సీబీటీ) ఫిబ్రవరి 5, 6, 12, 13 తేదీల్లో ప్రతిరోజూ రెండు సెషన్లలో జరుగుతుంది. ఫలితాలను 2022 మార్చి 17న విడుదల చేయనున్నారు.

Railway Jobs: నార్త్‌ సెంట్రల్‌ రైల్వేలో గ్రూప్‌-సీ ఉద్యోగాలు.. అర్హతలు, దరఖాస్తు విధానం ఇదే
ప్రముఖ సంస్థల్లో ఉద్యోగాలు సైతం:
గేట్ స్కోర్ ద్వారా ప్రతిష్టాత్మక ఐఐటీ, ఎన్ఐటీలతో పాటు దేశంలోని వివిధ ప్రభుత్వ, ప్రైవేట్ కాలేజీల్లో ఎంఈ/ ఎంటెక్ ప్రవేశాలు పొందవచ్చు. దీనితో పాటు పబ్లిక్ సెక్టార్ అండర్టేకింగ్(పీఎస్యూ)లు సైతం గేట్ స్కోర్ను ప్రామాణికంగా నియామకాలు చేపడుతున్నాయి.

గేట్ స్కోర్తో బీహెచ్ఈఎల్, పవర్ గ్రిడ్, బెల్, డీఆర్డీఓ, సెయిల్, గెయిల్, హాల్, ఇండియన్ ఆయిల్ వంటి అనేక ప్రభుత్వ రంగ సంస్థల్లో ఉద్యోగాలు దక్కించుకోవచ్చు. పైన పేర్కొన్న ఈ సంస్థలు కేవలం గేట్ స్కార్ ఆధారంగా అభ్యర్థులను షార్ట్లిస్ట్ చేసి.. ఇంటర్వ్యూ నిర్వహించి ఉద్యోగాల్లో నియమించుకుంటున్నాయి.