Jee And Neet 2020 Exam Decision Tomorrow From Nta Says Hrd Minister
జేఈఈ, నీట్ పరీక్షలపై సోషల్‌ వార్‌ మొదలు.. RIP NTA అంటూ ఆందోళన
జేఈఈ, నీట్ పరీక్షలపై సోషల్‌ మీడియాలో విద్యార్థులు ఆందోళన ప్రారంభించారు. దీనిపై హెచ్‌ఆర్‌డీ మంత్రి స్పందించారు.
Samayam Telugu2 Jul 2020, 5:29 pm
ఈ నెలలో జరగాల్సి ఉన్న జేఈఈ , నీట్ 2020 పరీక్షల నిర్వహణకు సంబంధించి రెండు రోజుల్లోపు స్పష్టత వచ్చే అవకాశం ఉంది. రద్దు చేయాలని విద్యార్థులు, తల్లిదండ్రులు ట్విట్టర్‌ ద్వారా డిమాండ్లు చేస్తున్న నేపథ్యంలో కేంద్ర మానవ వనరుల శాఖ మంత్రి రమేష్ పోఖ్రియాల్ స్పందించారు.
Samayam Telugu
పరిస్థితిని సమీక్షించి, సిఫారసులను రేపటిలోగా సమర్పించాలని ఎన్‌టీఏ, ఇతర నిపుణులతో కూడిన కమిషన్‌ను కోరినట్లు మంత్రి తెలిపారు.
జేఈఈ పరీక్ష జూలై 19-23 మధ్య జరగాల్సి ఉండగా, నీట్ పరీక్ష జూలై 26 న జరగాల్సి ఉంది. దేశంలో కరోనా కేసుల సంఖ్య విపరీతంగా పెరుగుతుండటంతో షెడ్యూల్ ప్రకారం పరీక్షలు జరుగుతాయా లేదా అనే అంశంపై 30 లక్షల మంది విద్యార్థులు అయోమయంలో పడ్డారు.
దీంతో విద్యార్థులు, తల్లిదండ్రులు, ఇతర సంబంధిత వ్యక్తులు ట్విట్టర్‌లో #RIP NTA అనే హ్యాష్‌ట్యాగ్‌ను ట్రెండ్‌ చేస్తున్నారు. 24 గంటల్లో 3 లక్షలకు పైగా దీనిని రీట్వీట్ చేశారు. దీంతో ఇది టాప్‌ ట్రెండింగ్‌ లిస్ట్‌లో చేరింది. దీనిపై హెచ్‌ఆర్‌డీ మంత్రి స్పందించారు.
మీ సమస్యలను నేను అర్థం చేసుకున్నాను, వీలైనంత త్వరగా సమస్యకు పరిష్కారం కనుగొనటానికి మేము ప్రయత్నిస్తున్నాం అంటూ మంత్రి రమేశ్‌ ఫోఖ్రియాల్‌ సమాధానమిచ్చారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
