NVS exam date 2021: నవోదయ పరీక్ష తేదీల మార్పు.. కొత్త తేదీలు ఇవే

దేశవ్యాప్తంగా ఉన్న జవహర్‌ నవోదయ విద్యాలయాల్లో 2021-22 విద్యాసంవత్సరంలో ప్రవేశాలకు సంబంధించిన పరీక్షల తేదీల్లో మార్పులు చేశారు. ముందుగా నిర్ణయించిన షెడ్యూల్‌ ప్రకారం 9వ తరగతిలో ప్రవేశాలకు ఫిబ్రవరి 13న పరీక్ష జరగాల్సి ఉంది. ఈ తేదీలను మార్పు చేసి.. ఫిబ్రవరి 24న ఉదయం 10 నుంచి మధ్యాహ్నం 12-30 గంటల వరకు పరీక్ష నిర్వహించనున్నామని జవహర్‌ నవోదయ సమితి ప్రకటించింది. అభ్యర్థులు పూర్తి వివరాలను
https://navodaya.gov.in/ వెబ్‌సైట్‌లో చూడొచ్చు.

Amazon: విద్యార్థులకు అమెజాన్‌ బంపరాఫర్‌.. ఉచితంగా పొందొచ్చు
ఓపెన్‌ స్కూల్‌ పరీక్ష గడువు పొడిగింపు:
దూరవిద్య విధానంలో పదోతరగతి, ఇంటర్‌లో ప్రవేశాలకు నిర్వహించే తెలంగాణ ఓపెన్‌ స్కూల్‌ సొసైటీ పరీక్ష గడువును పొడిగించారు. విద్యార్థులు ఈనెల 25వరకు మీసేవ కేంద్రాల ద్వారా దరఖాస్తు చేసుకోవచ్చని సొసైటీ డైరెక్టర్‌ ప్రకటించారు.

గురుకులాల్లో ఇంటర్‌ ప్రవేశాలకు దరఖాస్తు గడువు పెంపు
తెలంగాణ: రాష్ట్రంలో ఎస్సీ గురుకుల సొసైటీ ఆధ్వర్యంలోని 33, ఎస్టీ గురుకుల సొసైటీ ఆధ్వర్యంలోని 17 ప్రతిభా కళాశాలల్లో వచ్చే విద్యాసంవత్సరానికి ఇంటర్‌లో ప్రవేశాలకు దరఖాస్తు గడువును జ‌న‌వరి 20 వరకు పొడిగించినట్లు ఎస్సీ గురుకుల సొసైటీ కార్యదర్శి డాక్టర్‌ ఆర్‌.ఎస్‌.ప్రవీణ్‌కుమార్‌ తెలిపారు.

ఎస్సీ సొసైటీ పరిధిలోని కళాశాలల్లో ఎంపీసీ, బైపీసీ, ఎంఈసీ, సీఈసీ కోర్సులు, ఎస్టీ సొసైటీ పరిధిలో ఎంపీసీ, బైపీసీ కోర్సులు అందించనున్నట్లు పేర్కొన్నారు. ఇంటర్‌తో పాటు ఐఐటీ, ఎన్‌ఐటీ, నీట్‌, క్లాట్‌, సీఎంఏ తదితర పోటీ పరీక్షలకు ఈ కళాశాలల్లో శిక్షణ ఉంటుందని వివరించారు. పూర్తి వివరాలకు 1800 4254 5678, 9121174434, 9121333472 టోల్‌ఫ్రీ నంబర్లలో సంప్రదించాలని సూచించారు.