విద్యుత్ శాఖలో 267 ఉద్యోగాలు!

తెలంగాణ స‌ద‌రన్ ప‌వ‌ర్ డిస్ట్రిబ్యూష‌న్ కంపెనీ లిమిటెడ్ (టీఎస్ఎస్‌పీడీసీఎల్‌) 153 అసిస్టెంట్ ఇంజినీర్‌, 114 జూనియ‌ర్ అకౌంట్స్ ఆఫీస‌ర్‌ పోస్టుల భ‌ర్తీకి ద‌ర‌ఖాస్తులు కోరుతోంది. అసిస్టెంట్ ఇంజినీర్‌ పోస్టులకు ఎల‌క్ట్రిక‌ల్‌ విభాగం నుంచి 133 ఖాళీలు, సివిల్‌ విభాగం నుంచి 20 ఖాళీలు ఉన్నాయి.

సంబంధిత విభాగంలో ఇంజినీరింగ్ డిగ్రీ చదివినవారు దరఖాస్తు చేసుకోవచ్చు. జూనియ‌ర్ అకౌంట్స్ ఆఫీస‌ర్‌ పోస్టులకు బీకామ్‌/ ఎంకామ్‌/ సీఏ (ఇంట‌ర్‌)/ ఐసీడ‌బ్ల్యూఏ (ఇంట‌ర్‌) చదివినవారు అర్హులు. 18 - 44 సంవ‌త్సరాల మ‌ధ్య వయసున్నవారు ఈ పోస్టులకు అర్హులు. ఆసక్తి ఉన్నవారు ఫిబ్రవరి 2 నుంచి 19 వరకు ఆన్‌లైన్ ద్వారా దరఖాస్తు చేసుకోవాలి.

ఫిబ్రవరి 1 నుంచి 19 వరకు ఫీజు చెల్లించవచ్చు. దరఖాస్తు ఫీజుగా రూ.100, పరీక్ష ఫీజుగా రూ.120 చెల్లించాలి. ఎస్సీ, ఎస్టీ, బీసీ, దివ్యాంగులకు ఎలాంటి ఫీజు లేదు. రాత‌ప‌రీక్ష ద్వారా అభ్యర్థులను ఎంపికచేస్తారు. మార్చి 25న రాతపరీక్ష నిర్వహిస్తారు. పూర్తి వివరాలకు వెబ్‌సైట్​ ( www.tssouthernpower.com) చూడవచ్చు.