AICTE: ఇంజనీరింగ్‌లో 30 మార్కులకే సెమిస్టర్‌ పరీక్ష..!

ఇంజనీరింగ్‌ విద్యావిధానంలో సమూల మార్పులకు జాతీయ సాంకేతిక విద్యామండలి (ఏఐసీటీఈ) శ్రీకారం చుట్టింది. ప్రస్తుతం ఉన్న సెమిస్టర్‌ విధానం స్థానంలో నిరంతర సమగ్ర మాల్యాంకనాన్ని (సీసీఈ)ని ప్రవేశ పెట్టాలని భావిస్తోంది.

ఈ విధానంలో సీసీఈకి ఏకంగా 70 శాతం మార్కుల వెయిటేజీ ఇచ్చి..సెమిస్టర్‌ పరీక్షకు కేవలం 30 మార్కులకే నిర్వహించాలని భావిస్తోంది. ఇదే అంశంపై అన్నీ రాష్ట్రాల అభిప్రాయలను కోరినట్లు సమాచారం.

అయితే ఇప్పటి వరకు సెమిస్టర్‌ పరీక్షలు 80 మార్కలకు, ఇంటర్నల్‌ 20 మార్కలకు ఉంటూ వస్తున్నాయి. ఈ విధానంలో మార్పలకు ఏఐసీటీఈ ప్రయత్నిస్తోంది. దీనికి సంబంధించిన పూర్తి మార్గదర్శకాలు త్వరలో ఏఐసీటీఈ వెలువరించనుంది.