AICTE కీలక ప్రకటన.. డిసెంబర్ 1 నుంచి ఫ్రెషర్లకు క్లాసులు ప్రారంభం..!

ఇంజనీరింగ్‌, ఇతర సాంకేతిక కోర్సుల్లో చేరే ఫస్టియర్‌ విద్యార్థులకు డిసెంబర్ 1వ తేదీ నుంచి క్లాసులు ప్రారంభించాలని అఖిల భారత సాంకేతిక విద్యా మండలి (ఏఐసీటీఈ) నిర్ణయించింది. ఈ మేరకు ఆల్టర్నేటివ్ అకడమిక్‌‌ క్యాలెండర్‌ను ప్రకటించింది. ఈ విద్యాసంవత్సరం (2020-21)కు సంబంధించి బీటెక్‌, బీఫార్మసీ ఫస్టియర్‌ తరగతులను దేశవ్యాప్తంగా డిసెంబరు 1వ తేదీ నుంచి ప్రారంభించాలని ఏఐసీటీఈ యూనివర్సిటీలకు సూచించింది.

అలాగే అడ్మిషన్ల ప్రక్రియను కూడా నవంబర్ 30 వరకు పొడిగిస్తున్నట్లు ప్రకటించింది. ఈ మేరకు గతంలో జారీ చేసిన అకడమిక్‌ క్యాలెండర్‌ను సవరించింది. గత ఆగస్టు 13న విడుదల చేసిన అకడమిక్‌ షెడ్యూల్‌ ప్రకారం నవంబరు 1 నుంచి తరగతులు మొదలుపెట్టాలి. ఫస్టియర్‌ ప్రవేశాలను నవంబరు 15లోపు పూర్తి చేయాలి.

కానీ కరోనా పరిస్థితుల కారణంగా వివిధ రాష్ట్ర ప్రభుత్వాల అభ్యర్థనలకు తోడు ఐఐటీ, ఎన్‌ఐటీ, ట్రిపుల్‌ఐటీలలో ప్రవేశాలు జరుగుతున్నందున విద్యార్థులకు ఇబ్బందులు కలగకుండా ఉండేందుకు గడువును పెంచినట్లు ఏఐసీటీఈ పేర్కొంది. తాజా మార్గదర్శకాల ప్రకారం నవంబరు 30వ తేదీ వరకు ప్రవేశాలు జరుపుకోవచ్చు. అనంతరం డిసెంబర్‌ 1 నుంచి క్లాసులు ప్రారంభించాల్సి ఉంటుంది.

Must read: బీఈ/బీటెక్ వాళ్లకు బెల్ సంస్థలో 56 జాబ్స్.. రాత పరీక్ష లేదు..!

Also read: పాలిటెక్నిక్ అమ్మాయిలకు గుడ్‌న్యూస్‌.. ఉచిత శిక్షణతో పాటు ఉద్యోగం.. దరఖాస్తుకు ఈ నెల 21 ఆఖరు..!