AP SSC Supplementary Exams 2022: ఏపీలో టెన్త్‌ ఫెయిలైన విద్యార్థులకు గుడ్‌న్యూస్‌.. కీలక నిర్ణయం తీసుకున్న ప్రభుత్వం.. పూర్తి వివరాలివే

AP SSC Supplementary Exams 2022: పదో తరగతి పరీక్షల్లో ఫెయిలై అడ్వాన్స్డ్‌ సప్లిమెంటరీ పరీక్షలు రాస్తున్న విద్యార్థులకు పరీక్ష ఫీజు చెల్లింపు నుంచి ఆంధ్ర‌ప్ర‌దేశ్‌ ప్రభుత్వం మినహాయింపు ఇచ్చింది. ఒకవేళ ఇప్పటికే పరీక్ష ఫీజు చెల్లించి ఉంటే.. వారికి ఫీజును వాపస్‌ చేయనున్నారు. ఫెయిల్‌ అయిన 2,01,627 మంది విద్యార్థులకూ హాల్‌టికెట్లు జారీ చేయనున్నట్లు ప్రభుత్వ పరీక్షల విభాగం సంచాలకుడు దేవానందరెడ్డి తెలిపారు. హాల్‌టికెట్లను వెబ్‌సైట్‌లో అందుబాటులోఉంచుతామని పేర్కొన్నారు.

AP SSC 2022 Betterment Exams Instructions: పదోతరగతి విద్యార్థులకు గుడ్‌న్యూస్‌. ఈసారి బెటర్‌ మెంట్‌ పరీక్షలు నిర్వహించాలని రాష్ట్ర ప్రభుత్వం నిర్ణయించింది. ఎన్నడూ లేని విధంగా పదో తరగతి విద్యార్థులకు బెటర్‌మెంట్‌ పరీక్షను రాసే అవకాశం కల్పించారు. ఇటీవల ప్రకటించిన ఫలితాల్లో ఉత్తీర్ణత సాధించి తక్కువ మార్కులు సాధించిన విద్యార్థుల కోసం ఈ అవకాశాన్ని కల్పించారు.

ఈమేరకు పరీక్షల విభాగానికి పాఠశాల విద్యాశాఖ ఆదేశాలు జారీ చేసింది. 49 అంతకంటే తక్కువ మార్కులు వచ్చిన వారికి రెండు సబ్జెక్టుల్లో బెటర్‌మెంట్‌ రాసుకునేందుకు అవకాశం కల్పించారు. సబ్జెక్టుకు రూ.500 ఫీజుతో పరీక్ష రాసేందుకు వెసులుబాటు కల్పించారు. ఈ ఏడాది పది పరీక్షలు రాసిన వారికి మాత్రమే బెటర్‌మెంట్‌ రాసే అవకాశం ఉందని విద్యాశాఖ స్పష్టం చేసింది.

అయితే.. ఫెయిల్‌ విద్యార్థుల కోసం నిర్వహించే సప్లమెంటరీ పరీక్షలతో ఈ బెటర్‌ మెంట్ పరీక్షలను నిర్వహించనున్నారు. అయితే ఈ బెటర్‌ మెంట్‌ పరీక్షలు కేవలం ఈ ఏడాదికి మాత్రమే పరిమతం అని విద్యా శాఖ అధికారులు తెలిపారు. ఇదిలా ఉంటే ఏపీలో సప్లమెంటరీ పరీక్షలను జులై 06 నుంచి జులై 15 వరకు నిర్వహించనున్న విషయం తెలిసిందే.