'గ్రూప్-1' ప్రిలిమినరీ పరీక్ష ఫలితాల కోసం ఎదురు చూస్తున్న అభ్యర్థుల నిరీక్షణను హైకోర్టు మరింత పెంచింది. గ్రూప్-1 ఫలితాలను వెల్లడించవద్దని సెప్టెంబరు 30న ఆంధ్రప్రదేశ్ పబ్లిక్ సర్వీస్ కమిషన్‌(ఏపీపీఎస్సీ)కు ఆదేశాలు జారీచేసింది. గ్రూప్-1 ప్రిలిమినరీ పరీక్షకు సంబంధించి దాఖలైన పిటిషన్‌పై సెప్టెంబరు 30న విచారణ చేపట్టిన హైకోర్టు న్యాయమూర్తి జస్టిస్ టి.రజని ఈ మేరకు మధ్యంతర ఉత్తర్వులు జారీచేశారు. పూర్తి వివరాలతో ప్రమాణపత్రం దాఖలు చేయాలని ఏపీపీఎస్సీని ఆదేశిస్తూ.. తదుపరి విచారణను నాలుగు వారాలపాటు వాయిదా వేశారు.
గతేడాది డిసెంబరులో మొత్తం 169 'గ్రూప్-1' పోస్టుల భర్తీకి సంబంధించి ఏపీపీఎస్సీ నోటిఫికేషన్ జారీచేసిన సంగతి తెలిసిందే. అయితే పరీక్ష సమయంలో క్యాలిక్యులేటర్లు అనుమతిస్తామని పేర్కొన్నారు. కానీ.. పరీక్షకు క్యాలిక్యులేటర్లను అనుమతించలేదని.. తెలుగు అనువాదంలో 74 తప్పులు దొర్లాయంటూ 15 మంది అభ్యర్థులు హైకోర్టును ఆశ్రయించారు.
'గ్రూప్-1' పరీక్షను రద్దుచేసి మళ్లీ నిర్వహించాలని పిటిషనర్ల తరఫు న్యాయవాది హైకోర్టును కోరారు. ఈ వాదనలు విన్న న్యాయమూర్తి జస్టిస్ రజని 'గ్రూప్-1' పరీక్ష ఫలితాలను వెల్లడించవద్దని ఏపీపీఎస్సీని ఆదేశిస్తూ.. మధ్యంతర ఉత్తర్వులు జారీచేశారు. దీంతోపాటు ఆన్సర్ 'కీ' తప్పిదాల కారణంగా DAO పరీక్షకు సంబంధించిన ఫలితాలను కూడా వెల్లడించవద్దని ఏపీపీఎస్సీని ఆదేశించారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
