రేపే ఏపీ ఇంటర్‌ ఫలితాలు విడుదల

ఏపీలో రేపు (శుక్రవారం) ఇంటర్మీడియట్‌ ఫస్ట్, సెకండ్ ఇయర్‌ పరీక్షల ఫలితాలను ప్రభుత్వం విడుదల చేయనుంది. ఈ ఫలితాలను రేపు మధ్యాహ్నం 12. 30 తర్వాత విద్యాశాఖ మంత్రి ఆదిమూలపు సురేష్ ప్రకటించనున్నారు.

కరోనా లాక్‌డౌన్‌ కారణంగా ఆలస్యమైన జవాబు పత్రాల మూల్యాంకనం ఇంటర్ బోర్డు అధికారులు ఎట్టకేలకు పూర్తి చేశారు. దీంతో రేపు ఫలితాలను రాష్ట్ర విద్యాశాఖ విడుదల చేయనుంది.

మార్చి 4 నుంచి 23 వరకు రాష్ట్రవ్యాప్తంగా ఇంటర్ ఎగ్జామ్స్ జరిగిన సంగతి విదితమే. కాగా, ఏపీలో పదో తరగతి పరీక్షలు జులై 10 నుంచి 15వ తేదీ వరకూ జరగనున్న విషయం తెలిసిందే.