Panchayat Secretary Answer Key: నేడు పంచాయతీ కార్యదర్శి పరీక్ష 'కీ' వెల్లడి!

ఏపీలో గ్రూపు-3 పంచాయతీ కార్యదర్శి ఉద్యోగాల భర్తీకి నిర్వహించిన స్క్రీనింగ్ టెస్ట్ ప్రాథమిక ‘కీ’ని ఆంధ్రప్రదేశ్ పబ్లిక్ సర్వీస్ కమిషన్ మంగళవారం (ఏప్రిల్ 23) సాయంత్రం వెల్లడించనుంది. ఈ మేరకు ఏపీపీఎస్సీ కసరత్తు చేస్తోంది. రాష్ట్రవ్యాప్తంగా 1,320 పరీక్ష కేంద్రాల్లో ఆదివారం (ఏప్రిల్ 21) నిర్వహించిన ఈ ప‌రీక్షకు మొత్తం 4,95,526 మంది అభ్యర్థులు ద‌ర‌ఖాస్తు చేసుకోగా 3,89,014 మంది హాల్‌టికెట్లు డౌన్‌లోడ్ చేసుకోగా.. మొత్తం 2,94,966 మంది (75.82%) మంది అభ్యర్థులు ప‌రీక్షకు హాజ‌ర‌య్యారు. ఉదయం 10.00 నుంచి 12.30 గంటల వరకు పరీక్ష నిర్వహించారు. నెలరోజుల్లో ఫలితాలను వెల్లడించనున్నారు.
Website
undefined

తప్పుల'పంచాయతీ'.. అభ్యర్థులకు తిప్పలు
పంచాయతీ కార్యదర్శుల నియామక రాత పరీక్షకు హాజరైన అభ్యర్థులు తీవ్ర ఇబ్బందులు పడ్డారు. ప్రశ్నపత్రంలో ఆంగ్లం, తెలుగు మాధ్యమాల్లో ఇచ్చిన ప్రశ్నలకు పొంతన లేదని, అనువాద దోషాలు, తప్పులు వచ్చాయి. ప్రశ్నపత్రాన్ని ఆంగ్లం, తెలుగు రెండు భాషల్లోనూ ఇచ్చారు. అయితే 'పార్ట్‌-బి'లోని కొన్ని ప్రశ్నలకు ఇంగ్లిష్‌లో ఇచ్చిన దానికి తెలుగులో వ్యత్యాసం స్పష్టంగా కనిపించింది.

కొన్ని ప్రశ్నల తీరు ఇలా..
* హుగ్లీలోని సుందర్‌బన్‌ అడవులు దేనికి ప్రసిద్ధి అని ప్రశ్న ఇచ్చారు. సమాధానాల ఆప్షన్లలో ఇంగ్లిష్‌లో 'మాన్‌గ్రూవ్స్‌' అని ఇచ్చారు. దీనికి తెలుగులో 'మడ అడవులు' అని ఇవ్వకుండా 'మామిడి తోటలు' అని ఇచ్చారు.
* రాజ్యాంగంలో ‘ఫండమెంటల్‌ డ్యూటీస్‌’ ఎన్ని అని ప్రశ్నగా ఇచ్చారు. తెలుగులో మాత్రం రాజ్యాంగంలో పేర్కొన్న ‘మౌతిక విధులు’ ఎన్ని అని తప్పుగా ఇచ్చారు.
* గోడను కిటికీగా, కిటికీని తలుపుగా, తలుపును ఫ్లోర్‌గా, ఫ్లోర్‌ను పైకప్పుగా, పైకప్పును వెంటిలేటర్‌గా పిలిచినప్పుడు మనిషి దేనిమీద నిలబడతాడు అని ప్రశ్నగా ఇచ్చారు. తెలుగులో అందుకు భిన్నంగా మనిషిని ఏమని పిలుస్తారని ఇచ్చారు.