ఏపీ టెన్త్‌, ఇంటర్‌ ఫలితాలు ఎప్పుడో తెలుసా..? కీలక ప్రకటన చేసిన మంత్రి

ఆంధ్రప్రదేశ్‌లో కరోనా కారణంగా టెన్త్‌, ఇంటర్ పరీక్షలను ప్రభుత్వం రద్దు చేసిన విషయం తెలిసిందే. అయితే ఇంటర్‌ విద్యార్థులకు మార్కులు ఎలా కేటాయిస్తారు..? పదో తరగతి విద్యార్థులకు ఏ ప్రతిపాదకను మార్కులు ఇస్తారు..? అనే అంశంపై సస్పెన్స్‌ కొనసాగుతోంది.

అయితే.. విద్యార్ధుల ప్రతిభ ఆధారంగా టెన్త్‌, ఇంటర్‌ ఫలితాలు ప్రకటిస్తామని ఏపీ విద్యాశాఖ మంత్రి ఆదిమూలపు సురేష్ తెలిపారు. ఇంటర్‌, పది పరీక్షలు రద్దు చేసిన నేపధ్యంలో ఫలితాల కోసం రిటైర్డ్‌ ఐఏయస్‌ అధికారిణి ఛాయరతన్‌ కమిటీని నియమించామని తెలిపారు. కమిటీ నివేదిక అందగానే ఫలితాలు ప్రకటిస్తామన్నారు.

ఏపీలో 1238 ప్రభుత్వ ఉద్యోగాలు.. ఈ నెలలోనే నోటిఫికేషన్‌ విడుదల..! బీ రెడీ
ఇప్పటికే ఇంటర్‌ ఫస్టియర్‌, సెకండ్‌ ఇయర్‌ ప్రాక్టికల్స్‌ ఫలితాల ఆధారంగా విద్యార్ధులకు శాస్త్రీయ విధానంలో గ్రేడ్‌లు కేటాయించేందుకు కసరత్తు చేస్తున్నామన్నారు. విద్యార్ధుల ప్రతిభ ఆధారంగా గ్రేడ్‌లు ఉంటాయన్నారు. ప్రతిభ కలిగిన విద్యార్ధులకు అన్యాయం జరగకుండా చూడాలన్నదే ప్రభుత్వం లక్ష్యమన్నారు.

పరీక్షలు రద్దయిన నేపథ్యంలో ఇతర రాష్ట్రాల్లో ఏ విధంగా ఫలితాలు కేటాయించారో అధ్యయనం చేస్తున్నామన్నారు. అన్ని అంశాలు పరిగణనలోకి తీసుకుని విద్యార్థులకు ఏవిధమైన అన్యాయం జరగకుండా ఫలితాలు ప్రకటిస్తామన్నారు.

ఇక.. టెన్త్‌, ఇంటర్‌ పరీక్షలు నిర్వహించాలని ప్రభుత్వం పట్టుదలగానే కనిపించింది. ఎట్టి పరిస్థితుల్లోనూ పరిక్షలు నిర్వహించి తీరుతామని ప్రకటించింది. కానీ సుప్రీం కోర్టు సూచనల నేపథ్యంలో పరీక్షలు రద్దు చేయక తప్పలేదు. తప్పనిసరి పరిస్థితుల్లో పదో తరగతి, ఇంటర్మీడియట్ పరీక్షలను రద్దు చేసిన ప్రభుత్వం.. ఇప్పుడు ఫలితాలను వెల్లడించేందుకు కమిటీలను నియమించింది. ఈ నెల రెండో వారంలో ఫలితాలు వెలువడే అవకాశాలున్నాయి.