APPSC Group 2 Result 2024 Date: ఏపీపీఎస్సీ గ్రూప్‌-2 ప్రిలిమ్స్‌ ఫలితాలపై ప్రకటన వచ్చేసింది!

APPSC Group 2 Results 2024 Date : ఆంధ్రప్రదేశ్‌లో గ్రూప్‌-2 పరీక్ష రాసిన అభ్యర్థులకు గుడ్‌న్యూస్‌. ఏపీపీఎస్సీ గ్రూప్‌-2 ప్రిలిమ్స్‌ పరీక్ష ఫలితాలు వారం రోజుల్లో వెలువడనున్నట్లు ఏపీపీఎస్సీ స‌భ్యుడు ప‌రిగె సుధీర్ ‘ఎక్స్‌’ వేదిక‌గా వెల్లడించారు. మెయిన్స్‌ పరీక్షకు (Mains) 1:100 నిష్పత్తి ప్రకారం అభ్యర్థులను ఎంపిక చేయనున్నట్లు పేర్కొన్నారు. రాష్ట్ర వ్యాప్తంగా ప్రధాన కేంద్రాల్లో ఫిబ్రవరి 25వ తేదీన ప్రిలిమ్స్‌ జరిగిన విషయం తెలిసిందే. ఈ పరీక్షలో ప్రశ్నాలు కఠినంగా వచ్చాయని అభ్యర్థులు అన్నారు. దీంతో ఏపీపీఎస్సీ(APPSC) కీలక నిర్ణయం తీసుకుంది. గతంలో 1:50 (ఒక పోస్టుకు 50 మంది) నిష్పత్తిలో మెయిన్స్ కు ఎంపిక చేసేందుకు ఏపీపీఎస్సీ (APPSC) నిర్ణయించింది.

తాజాగా.. 1 : 100 నిష్పత్తిలో అభ్యర్థులను తదుపరి పరీక్ష మెయిన్స్ (Group 2 Mains)కు ఎంపిక చేయలని బోర్డు నిర్ణయించింది. దీనిపై అధికారిక ప్రకటన వెలువడింది. దీంతో అభ్యర్థులకు బిగ్ రిలీఫ్ లభించింది. పేపర్ కఠినంగా రావడంతో 1 : 100 నిష్పత్తిలో మెయిన్స్ కు ఎంపిక చేయాలని అభ్యర్థులు డిమాండ్ చేశారు. ఫిబ్రవరి 25వ తేదీన రాష్ట్రవ్యాప్తంగా మొత్తం 899 గ్రూప్-2 పోస్టులకు ఏపీపీఎస్సీ ప్రిలిమినరీ పరీక్ష నిర్వహించింది. త్వరలో మెయిన్స్‌ పరీక్ష తేదీలు కూడా వెల్లడికానున్నాయి.

కాగా.. ఈ గ్రూప్-2 స్క్రీనింగ్ టెస్ట్‌కు రాష్ట్ర వ్యాప్తంగా 4,83,525 మంది అభ్యర్థులు నమోదు చేసుకోగా.. 4,63,517 మంది హాల్ టిక్కెట్లను డౌన్‌లోడ్ చేసుకున్నారు. 4,04,037 మంది పరీక్షకు హాజరయ్యారు. ప్రిలిమినరీ పరీక్షకు 87.17% శాతం మంది హాజరయ్యారని ఏపీపీఎస్సీ (APPSC) తెలిపింది. ఏపీలోని 24 జిల్లాల్లోని 1327 కేంద్రాల్లో ఈ పరీక్ష జరిగింది. ఇక.. గ్రూప్-2 ప్రిలిమినరీ పరీక్ష (Screening Test) ఫలితాలను వారం రోజుల్లో ప్రకటిస్తామని తాజాగా వెల్లడించారు. అలాగే.. గ్రూప్-2 మెయిన్ ఎగ్జామినేషన్ ను జూన్/జులైలో నిర్వహించనున్నట్లు సమాచారం. మెయిన్స్‌లో రెండు పేపర్లను 300 మార్కులకు నిర్వహిస్తారు. ఒక్కొక్కటి 150 మార్కులు కేటాయించారు.