ఆంధ్రప్రదేశ్ వ్యవసాయ శాఖలో ఉద్యోగాలు

ఆంధ్రప్రదేశ్ స్టేట్ సీడ్ సర్టిఫికేషన్ అథారిటీలో సీడ్ సర్టిఫికేషన్ ఆఫీసర్ పోస్టుల భర్తీకి ఆచార్య ఎన్జీ రంగా అగ్రికల్చరల్ విశ్వవిద్యాలయం నోటిఫికేషన్ విడుదల చేసింది. దీని ద్వారా ఆంధ్రప్రదేశ్‌లోని సీడ్ సర్టిఫికేషన్ ఆఫీసర్ పోస్టులను భర్తీ చేస్తారు.
సీడ్ సర్టిఫికేషన్ ఆఫీసర్: 36
విద్యార్హతలు: సీడ్ టెక్నాలజీ/ ప్లాంట్ బ్రీడింగ్/ అగ్రికల్చరల్ బోటనీ/ ఆగ్రోనమీ/ ప్లాంట్ ఫిజియాలజీ‌లో మాస్టర్స్ డిగ్రీ ఉండాలి. అగ్రికల్చర్ బీఎస్సీ ఉండాలి.
వయసు: 2017 ఏప్రిల్ 1 నాటికి 21 నుంచి 42 ఏళ్ల మధ్య ఉండాలి. నిబంధనల ప్రకారం ఎస్సీ, ఎస్టీ, ఓబీసీ, దివ్యాంగులు, ఎక్స్-సర్వీస్‌మెన్‌కు వయోపరిమితిలో సడలింపు ఉంటుంది.

ఎంపిక విధానం: అకడమిక్ మెరిట్, రాత పరీక్ష ద్వారా ఎంపిక చేస్తారు. ఈ రంగంలో అనుభవానికి కూడా ప్రాధాన్యత ఉంటుంది. రాత పరీక్షకు 80 మార్కులకు నిర్వహిస్తారు. మిగతా 20 మార్కుల్లో బీఎస్సీ ప్రథమ శ్రేణిలో ఉత్తీర్ణులైతే 10, ద్వితీయ శ్రేణి అయితే 5, మాస్టర్స్ డిగ్రీకి 5 మార్కులు, గత అనుభవానికి 5 మార్కులు కేటాయించారు. రాత పరీక్షలో అగ్రికల్చర్‌కు సంబంధించిన ప్రశ్నలు ఉంటాయి.

దరఖాస్తు విధానం: వెబ్‌సైట్ నుంచి డౌన్‌లోడ్ చేసిన దరఖాస్తులను పూర్తి చేసి The Registrar, Acharya N.G.Ranga Agricultural University, Administrative Camp Office, VijayaDurga Towers, M.G. Inner Ring Road, Guntur, Andhra Pradesh- 522509 చిరునామాకు విద్యార్హత ధ్రువీకరణ పత్రాలు నకలు జతచేసి పంపాలి.
దరఖాస్తు ఫీజు: The Comptroller, ANGRAU, Guntur పేరుతో రూ.1,000 డీడీని బ్యాంకులో చెల్లించి దరఖాస్తుతోపాటు పంపాలి.
దరఖాస్తులకు చివరితేది: మే 16
రాత పరీక్ష తేది: మే 28

నోటిఫికేషన్