19న ఏపీటెట్ - 2017 ఫలితాలు..!

ఉపాధ్యాయ అర్హత పరీక్ష(టెట్) ఫలితాలను మార్చి 19న విడుదల చేయనున్నారు. వాస్తవానికి మార్చి 16నే విడుదలచేయాల్సి ఉన్నప్పటికీ... అనివార్య కారణాల వల్ల మార్చి 19న విడుదల చేసేందుకు... పాఠశాల విద్యాశాఖ మొగ్గు చూపింది. రాష్ట్ర వ్యాప్తంగా 4,10,828 మంది విద్యార్థులు పరీక్షలు రాశారు. ఫలితాల కోసం ఎదురుచూస్తున్నారు.

ఆంధ్రప్రదేశ్‌లో ఉపాధ్యాయ పోస్టుల భర్తీకి... ఫిబ్రవరి 21 నుంచి మార్చి 2వరకు ఉపాధ్యాయ అర్హత పరీక్ష (ఏపీటెట్ -2017) నిర్వహించింది. వీటికి సంబంధించిన తుది కీని పాఠశాల విద్యాశాఖ మార్చి 12న విడుదల చేసిన సంగతి తెలిసిందే.