బెల్‌లో ఇంజినీరింగ్, జూనియర్ అసిస్టెంట్ పోస్టులు

భారత్ ఎలక్ట్రానిక్స్ లిమిటెడ్ (బెల్) బెంగళూరు, పోర్ట్‌బ్లయర్ యూనిట్‌లో వివిధ విభాగాల్లోని టెక్నికల్, నాన్-టెక్నికల్ పోస్టుల భర్తీకి నోటిఫికేషన్ విడుదల చేసింది. దీని ద్వారా కెమికల్, ఎలక్ట్రానిక్స్ విభాగాల్లోని ఇంజినీరింగ్ అసిస్టెంట్ ట్రెయినీ, అడ్మినిస్ట్రేషన్ విభాగంలోని జూనియర్ అసిస్టెంట్, స్టాఫ్ నర్స్ పోస్టులను భర్తీ చేస్తారు.

ఇంజినీరింగ్ అసిస్టెంట్ ట్రెయినీ: 6
విభాగాలు: కెమికల్, ఎలక్ట్రానిక్స్.
విద్యార్హతలు: కెమికల్/ ఎలక్ట్రికల్ అండ్ ఎలక్ట్రానిక్స్/ ఎలక్ట్రానిక్స్ అండ్ కమ్యూనికేషన్/ ఎలక్ట్రానిక్స్ అండ్ టెలికమ్యూనికేషన్/ ఎలక్ట్రానిక్స్ అండ్ ఇన్‌స్ట్రుమెంటేషన్ ఇంజినీరింగ్‌లో కనీసం 60 శాతం మార్కులతో డిప్లొమా ఉండాలి.

జూనియర్ అసిస్టెంట్: 7
విద్యార్హతలు: కమర్షియల్ ప్రాక్టీస్‌లో మూడేళ్ల డిప్లొమా లేదా ఏదైనా డిగ్రీతోపాటు షార్ట్‌హ్యాండ్‌లో నిమిషానికి 120 పదాల వేగం, ఇంగ్లిష్ టైపింగ్‌లో నిమిషానికి 40 పదాల వేగం ఉండాలి. కంప్యూటర్ పరిజ్ఞానం ఉండాలి.
స్టాఫ్ నర్స్: 2
విద్యార్హతలు: పదో తరగతి, జనరల్ నర్సింగ్ అండ్ మిడ్‌వైఫ్‌రిలో మూడేళ్ల డిప్లొమా ఉండాలి. సంబంధిత విభాగంలో కనీసం మూడేళ్ల అనుభవం ఉండాలి. లేదా ఇంటర్‌తోపాటు జనరల్ నర్సింగ్‌లో డిగ్రీ లేదా డిప్లొమా ఉండాలి.

వయసు: 2017 మార్చి 1 నాటికి 28 ఏళ్లకు మించకూడదు. నిబంధనల ప్రకారం ఎస్సీ, ఎస్టీ, ఓబీసీ, దివ్యాంగులు, ఎక్స్-సర్వీస్‌మెన్‌కు వయోపరిమితిలో సడలింపు ఉంటుంది.
ఎంపిక విధానం: రాత పరీక్ష ద్వారా
పరీక్ష విధానం: రాత పరీక్షను 150 మార్కులకు ఆబ్జెక్టివ్ తరహఆలనే నిర్వహిస్తారు. ఇందులో రెండు విభాగాలు ఉంటాయి. పార్ట్- 1లో జనరల్ ఆప్టిట్యూడ్ 50 మార్కులు. దీనిలో లాజికల్, ఎనలిటికల్, కాంప్రహెన్షివ్ ఎబిలిటీ, జనరల్ నాలెడ్జ్‌కు సంబంధించిన ప్రశ్నలు ఉంటాయి. పార్ట్-2లో టెక్నికల్ నాలెడ్జ్‌కు సంబంధించిన ప్రశ్నలు ఉంటాయి.

దరఖాస్తు: బెల్ వెబ్‌సైట్‌లో ఆన్‌లైన్ ద్వారా.
రిజిస్ట్రేషన్ ఫీజు: జనరల్, ఓబీసీ అభ్యర్థులు రూ.300 చలనా చెల్లించాలి. ఎస్సీ, ఎస్టీ, దివ్యాంగులకు ఎలాంటి ఫీజు లేదు.
ఆన్‌లైన్ రిజిస్ట్రేషన్‌కు చివరితేది: ఏప్రిల్ 26


నోటిఫికేషన్

ఆన్‌లైన్ రిజిస్ట్రేషన్