UK: బ్రిటన్‌లో ఉన్నత విద్య చదువుకోవాలనుందా.. అయితే ఈ స్కాలర్‌షిప్‌కు దరఖాస్తు చేసుకోండి..!

విదేశాల్లో మాస్టర్‌ డిగ్రీ చేయాలనుకుంటున్న యువతకు గుడ్‌న్యూస్‌. బ్రిటన్‌లో మాస్టర్స్‌ డిగ్రీ, వృత్తి నైపుణ్యం కోసం చదువుకునేందుకు ఆసక్తి ఉన్న రెండు తెలుగు రాష్ట్రాలకు చెందిన వారి నుంచి చెవనింగ్‌ స్కాలర్‌షిప్, ఫెలోషిప్‌ల కోసం దరఖాస్తులు ఆహ్వానిస్తున్నామని హైదరాబాద్‌లోని బ్రిటీష్‌ డిప్యూటీ హైకమిషనర్‌ డాక్టర్‌ ఆండ్రూ ఫ్లెమింగ్‌ ఒక ప్రకటనలో తెలిపారు.

2021-22 విద్యా సంవత్సరంలో ఏడాది కాలవ్యవధి కలిగిన మాస్టర్‌ డిగ్రీ చేసే వారు 2020 నవంబరు 3వ తేదీలోగా, వృత్తి నైపుణ్యం కోసం వారు అక్టోబ‌రు 19వ తేదీలోగా దరఖాస్తులు చేసుకోవాలని సూచించారు. మాస్టర్స్‌ చేసేందుకు ఎంపికైన విద్యార్థులకు ఏడాదికి అయ్యే ఖర్చులను బ్రిటీష్‌ ప్రభుత్వమే భరిస్తుందని చెప్పారు. ఆసక్తి గల అభ్యర్థులు పూర్తి వివరాలకు https://www.chevening.org/ వెబ్‌సైట్‌ను సంప్రదించాలనీ డాక్టర్‌ ఆండ్రూ ఫ్లెమింగ్‌ పేర్కొన్నారు.

Must read: భారీ నీటిపారుదల శాఖలో 628 ఇంజినీర్‌ పోస్టులు..!


British Chevening Scholarships:

• ఇది యూకే ప్రభుత్వ గ్లోబల్‌ స్కాలర్‌షిప్‌ ప్రోగ్రామ్‌
• దరఖాస్తుకు చివరితేది: నవంబర్‌ 3, 2020
• ఎందుకు: యూకేలోని ఏదైనా వర్సిటీలో మాస్టర్‌ డిగ్రీ చదువుకోవచ్చు.
• మొత్తం స్కాలర్‌షిప్‌ల సంఖ్య: 1500
• అర్హత: యూజీ (అండర్‌ గ్రాడ్యయేషన్‌) ఉత్తీర్ణత.
• వెబ్‌సైట్‌: https://www.chevening.org/

Must read: ఈ నెల 9 నుంచి ఇంజనీరింగ్‌ ఎంసెట్‌.. విద్యార్థులు పాటించాల్సిన జాగ్రత్తలు ఇవే..!