CBSE 2020-21: సీబీఎస్‌ఈ సరికొత్త నిర్ణయాలు..సిలబస్‌, కోర్సుల్లో కీలక మార్పులు..హ్యాండ్‌ బుక్స్‌ విడుదల..!

సెంట్రల్ బోర్డ్ ఆఫ్ సెకండరీ ఎడ్యుకేషన్‌ (CBSE)..11, 12 తరగతులకు అప్లయిడ్‌ మ్యాథ్స్‌ సబ్జెక్టులో హ్యాండ్‌బుక్ రిలీజ్ చేసింది. 2020-21 విద్యా సంవత్సరం నుంచి కామర్స్, హ్యుమానిటీస్ విద్యార్థులకు కొత్త అకడమిక్ సెషన్ ప్రారంభిస్తోంది. ఈ సబ్జెక్ట్ కొత్తది కాబట్టి దీనికి సంబంధించిన సిలబస్ రిలీజ్ చెయ్యడమే కాదు... 11, 12 తరగతులకు అప్లయిడ్‌ మ్యాథమెటిక్స్‌‌‌కి సంబంధించి పూర్తిస్తాయి హ్యాండ్‌బుక్‌ని కూడా విడుదల చేసింది. డౌన్‌లోడ్ చేసుకునే విధంగా ఉన్న ఈ హ్యాండ్ బుక్ విద్యార్థులకు ఎంతగానో ఉపయోగపడనుంది. ఈ హ్యాండ్‌బుక్స్‌లో కొత్త కోర్సులకు సంబంధించిన సిలబస్‌తో పాటూ ఎక్సర్‌సైజ్‌లు కూడా ఉంటాయి. డౌన్‌లోడ్‌ చేసుకోవాలనుకున్న వారు ఈ వెబ్‌సైట్‌ ద్వారా డౌన్‌లోడ్‌ చేసుకోవచ్చు.

12వ తరగతి విద్యార్థుల కోసం లింక్ - http://cbseacademic.nic.in/
11వ తరగతి విద్యార్థుల కోసం లింక్ - http://cbseacademic.nic.in/

వివాదాస్పదంగా సిలబస్‌:
సీబీఎస్‌ఈ సిలబస్ బోధిస్తున్న విద్యా సంస్థల తీరు వివాదాస్పదమవుతోంది. జనరల్ నాలెడ్జ్ పేరుతో విద్యార్థులకు అనవసరమైన విషయాలను బోధిస్తున్నారు. తాజాగా హైదరాబాద్‌లో సీబీఎస్‌ఈ అనుబంధ పాఠశాలల్లో పాఠ్యపుస్తకాల్లో ఇచ్చిన అంశాలు చర్చనీయాంశంగా మారాయి. సాధారణంగా బయట ప్రపంచంపై విద్యార్థులకు ఎంత అవగాహన ఉందో తెలుసుకునేందుకు జనరల్ నాలెడ్జ్ ప్రశ్నలు ఇస్తుంటారు. అంటే.. దేశ ప్రధాని ఎవరు? లేదా దేశంలో పొడవైన నది ఏదని? ఇలాంటి ప్రశ్నలు అడుగుతుంటారు. అలాంటివి కాకుండా నటీనటుల పేర్లు, కార్టూన్ బొమ్మలు ఇచ్చి కొన్ని పాఠశాలల నిర్వాహకులు గందరగోళానికి గురిచేస్తున్నారు. ఈ క్రమంలో ఓ స్కూల్లో బాలీవుడ్ నటుడు అక్షయ్ కుమార్‌పై ప్రశ్నలు ఇవ్వడం చర్చనీయాంశమైంది.

సిలబస్‌ తగ్గింపు ఆలోచన:
సిలబస్‌లో మార్పులకు సంబంధించి సీబీఎస్‌ఈ స్పష్టమైన సమాచారం ఇవ్వలేదు. బోర్డు, HRD మంత్రిత్వ శాఖ ప్రస్తుత సిలబస్‌ను తగ్గిస్తామని చెప్పాయి. కొత్త విద్యా సంవత్సరంలో క్లాసులు ఆన్‌లైన్‌లో ప్రారంభమయ్యేలా ఉన్నాయి కాబట్టి అందుకు తగ్గట్టు సిలబస్‌ మార్చే ప్రయత్నాలు చేస్తోంది. స్కూళ్లలో కూడా 1 నుంచి 8 వరకు సిలబస్ తగ్గించే ఆలోచన చేస్తున్నారు. కానీ సీబీఎస్‌ఈ బోర్డు ప్రస్తుతం ఉన్న సిలబస్‌నే కొనసాగించమని కోరింది.