గేట్- 2017 ఫలితాలు విడుదల

గ్రాడ్యుయేట్ ఆప్టిట్యూడ్ టెస్ట్ ఇన్ ఇంజినీరింగ్ (గేట్)- 2017 ఫలితాలను ఐఐటీ రూర్కీ విడుదల చేసింది. ఫిబ్రవరి 4, 5, 11, 12 తేదిల్లో దేశవ్యాప్తంగా నిర్వహించిన గేట్- 2017 ఫలితాలు వెబ్‌సైట్‌లో మార్చి 27 నుంచి అందుబాటులో ఉంటాయని ఐఐటీ రూర్కీ తెలిపింది. అభ్యర్థులు తమ ఫలితాలను తెలుసుకోడానికి కిక్ల్ హియర్ బటన్‌ను ప్రెస్ చేసి తమ ఐడీని ఎంటర్ చేస్తే ఫలితాలు కనబడతాయని తెలిపింది.

విద్యార్థులు తమ స్కోర్ కార్డులను మే 5 వరకు డౌన్‌లోడ్ చేసుకోవచ్చని ఐఐటీ వర్గాలు ప్రకటించాయి. 23 విభాగాల్లో నిర్వహించిన ఈ పరీక్షకు దేశవ్యాప్తంగా ఈ ఏడాది 8 లక్షలకు పైగా విద్యార్థులు హాజరయ్యారు. తెలుగు రాష్ట్రాల నుంచి సుమారు 20 వేల మంది విద్యార్థులు అర్హత సాధించారు. గేట్ స్కోర్ ద్వారా ఐఐటీలు, ఐఐఎస్సీ, ఎన్‌ఐటీ లాంటి విద్యా సంస్థల్లో ఎంటెక్/ పీహెచ్‌డీ కోర్సుల్లో ప్రవేశానికి అవకాశం ఉంటుంది. అలాగే మహారత్న, మినీరత్న, నవరత్న లాంటి సంస్థల్లో మేనేజ్‌మెంట్ ట్రెయినీ, ఎగ్జిక్యూటివ్ ట్రెయినీ పోస్టులను గేట్ ద్వారా భర్తీ చేస్తారు. ఇందులో అర్హత సాధించిన అభ్యర్థులను మెరిట్ ఆధారంగా ఎంపిక చేసి పర్సనల్ ఇంటర్వ్యూ నిర్వహిస్తారు. ఈ స్కోరుకు మూడేళ్ల పాటు వ్యాలిడిటీ ఉంటుంది.

ఫలితాల కోసం క్లిక్ చేయండి