Elon Musk - Maye Musk : ఎల‌న్ మ‌స్క్ త‌ల్లికి గౌర‌వ డాక్ట‌రేట్.. ఆమె చేసిన పరిశోధన ఏమిటంటే..?

Elon Musk Mother Gets Doctorate : ట్విట్ట‌ర్ సీఈఓ ఎల‌న్ మ‌స్క్ (Elon Musk) త‌ల్లి మేయి మ‌స్క్‌ (Maye Musk) ను గౌర‌వ డాక్ట‌రేట్ వ‌రించింది. సౌతాఫ్రికాలోని యూనివ‌ర్సిటీ ఆఫ్ ద ఫ్రీ స్టేట్ (University of the free state) ఆమెకు ఈ డాక్ట‌రేట్‌ను అందజేసింది. న్యూట్రిష‌న్ ప‌రిశోధ‌న‌లో ఆమె చేసిన స్ట‌డీకి గాను ఈ డాక్ట‌రేట్‌ను అంద‌జేశారు. గౌర‌వ డాక్ట‌రేట్(Honorary Doctorate) ద‌క్కిన విష‌యాన్ని మేయి మ‌స్క్ త‌న ట్విట్ట‌ర్‌లో వెల్ల‌డించారు. డైయిటెటిక్స్ స‌బ్జెక్ట్‌లో త‌న‌కు డాక్ట‌రేట్ వ‌చ్చిన‌ట్లు ఆమె చెప్పారు. త‌న య‌వ్వ‌నాన్ని న్యూట్రిష‌న్ రీస‌ర్చ్ కోసం అంకితం చేశాన‌ని, డైటీషియ‌న్ల‌ను ప్ర‌మోట్ చేశాన‌ని.. ఇది ఉత్త‌మైన గుర్తింపు అని డాక్ట‌రేట్ అందుకున్న త‌ర్వాత మేయి మ‌స్క్ (Maye Musk) వెల్లడించారు.

Google, Amazon Layoffs : ఉద్యోగానికి రాజీనామా చేస్తే.. ఏడాది శాలరీ ఫ్రీ.. పూర్తి వివరాలివే
ప్రపంచవ్యాప్తంగా ఉద్యోగుల తొలగింపు కొనసాగుతూనే ఉంది. భారీ దిగ్గజ కంపెనీలు అన్నీ తమ ఉద్యోగులను పెద్ద ఎత్తున తొలగిస్తూనే ఉన్నాయి. గూగుల్, అమెజాన్, మెటా వంటి దాదాపు సుమారు 570 టెక్ కంపెనీలు 2023లో 1,60,000 మంది కంటే ఎక్కువ మంది ఉద్యోగులను తొలగించాయి. ఇటీవల నివేదికల ప్రకారం.. గూగుల్, అమెజాన్ కంపెనీలు ఇప్పటికే కొన్ని ప్రాంతాలలో చాలా మంది ఉద్యోగులను తొలగించాయి.

అయితే.. యూరోపియన్ దేశాలలోని ఉద్యోగులను తొలగించడానికి చాలా కష్టపడుతున్నట్లు సమాచారం. ఈ దేశాల్లో ఉన్న కఠినమైన కార్మిక రక్షణ చట్టాల కారణంగా ఈ కంపెనీలు వెంటనే ఉద్యోగులను తొలగించలేకపోతున్నాయి. కొన్ని యూరోపియన్ దేశాల్లో సంస్థలు అక్కడి చట్టాల ప్రకారం.. ఉద్యోగులతో చర్చించకుండా ప్రజలను తొలగించకూడదు. కావున ఈ చర్చల వల్ల తొలగింపులు కొంత ఆలస్యం అవుతున్నాయి. కంపెనీలు లేఆఫ్‌లను అమలు చేయడానికి ముందు చట్టబద్ధంగా ఈ కౌన్సిల్‌లతో సంప్రదించవలసి ఉంటుంది.

ఫ్రాన్స్‌లో, గూగుల్ మాతృ సంస్థ ఆల్ఫాబెట్ ఉద్యోగులను స్వచ్ఛందంగా రాజీనామా చేయాలని.. దానికి తగిన ప్రతిఫలంగా కొన్ని ఆఫర్లు ఇవ్వనున్నట్లు ప్రకటిస్తున్నాయి. అయితే 5 నుంచి 8 ఏళ్ల అనుభవం ఉన్న కొంతమంది సీనియర్ మేనేజర్లు స్వచ్ఛందంగా రాజీనామా చేస్తే వారికి ఒక సంవత్సరం వేతనంతో కూడిన సెవెరెన్స్ ప్యాకేజీని అమెజాన్ అందించనున్నట్లు కూడా తెలుస్తోంది.