Gandhi Jayanti 2022: అక్టోబర్‌ 2 గాంధీ జయంతి.. ఆ మహాత్ముని అద్భుతమైన సందేశాలను ఓ సారి స్మరించుకుందాం..

Gandhi Jayanti 2022: నా జీవితమే నా సందేశం అని చాటిన మహనీయుడు గాంధీజీ. అహింసాయుత మార్గంలోనే ఆయన సూర్యుడు అస్తమించని బ్రిటిష్ సామ్రాజ్యాన్ని గడగడలాడించారు. ప్రపంచానికి ఆయన అందించిన పదునైన ఆయుధం అది. మహాత్మా గాంధీ అందించిన అహింసా ఉద్యమం యావత్ ప్రపంచానికి స్ఫూర్తిగా నిలిచింది. ఆయన ఎంచుకున్న బాట ప్రపంచ ప్రఖ్యాత విశ్వవిద్యాలయాల్లో ఓ పాఠ్యాంశంగా మారింది. గాంధీ జీవితం, ఆయన నమ్మిన సిద్ధాంతాలు, నడిపిన ఉద్యమాలు ఒకదానితో ఒకటి ముడిపడి ఉన్నాయి. అక్టోబర్‌ 2 మహాత్మా గాంధీ జయంతి (Mahatma Gandhi Jayanti) సందర్భంగా.. ఆ మహనీయుడు ఆచరించి సమస్త భారతావనికి చాటి చెప్పిన సూక్తులివే..

విధి నిర్వహణకు మించిన దేశసేవ లేదు

• వ్యక్తిత్వాన్ని కోల్పోయిన వ్యక్తి.. తన సర్వసాన్ని కోల్పోయినట్లే
• క్షమ బలవంతుల లక్షణం.. దుర్భలులు ఎన్నటికీ క్షమించలేరు
• చెడుకు సహాయ నిరాకరణ చేయడం ప్రతి మనిషీ పవిత్ర కర్తవ్యం
• నిరక్షరాస్యతను నిర్మూలించిన నాడే.. దేశం ప్రగతి పథంలో నడుస్తుంది
• దేశంలో మార్పు కోరుకుంటే.. ఆ మార్పు మొదట నీ నుంచే మొదలు కావాలి
• గెలవక పోవడం ఓటమి కాదు.. మళ్లీ ప్రయత్నించకపోవడమే ఓటమి
• ఔన్నత్యం సంపద వలన రాదు.. సద్గుణాల వల్ల వస్తుంది
• సంపాదన ముఖ్యమే కానీ.. డబ్బు ఒక్కటే సంతోషాన్ని ఇవ్వలేదు
• సత్యం ఒక్కటే జీవితాన్ని సన్మార్గంలో నడిపిస్తుంది
• శ్రమ నీ ఆయుధం అయితే విజయం నీ బానిస అవుతుంది
• లేని గొప్పదనం ఉందని చెబితే.. ఉన్న గొప్పదం ఊడుతుంది
• సహాయం చేస్తే మర్చిపో.. సహాయం పొందితే గుర్తుంచుకో..