బాలికల విద్యలో పశ్చిమ్ బెంగాల్ టాప్!

పశ్చిమ్‌బెంగాల్‌లో బాలికలు అన్ని రంగాల్లో ముఖ్యంగా విద్యలో బాలుర కంటే ముందంజలో ఉన్నారు. ఆ రాష్ట్ర ముఖ్యమంత్రిగా బాధ్యతలు నిర్వహిస్తోన్న మమతా బెనర్జీయే దీనికి ప్రత్యక్ష నిదర్శనం. గతేడాది జరిగిన మాధ్యమిక స్థాయి బోర్డు పరీక్షలకు బాలురతో కంటే 1,04,840 మంది బాలికలు అదనంగా హాజరయ్యారు. ఈ ఏడాది వీరి సంఖ్య మరింత పెరిగింది.

గతేడాదితో పోల్చుకుంటే అదనంగా 19 వేల మంది విద్యార్థినిలు అంటే 1, 23, 814 మంది బోర్డు పరీక్షలకు హాజరవుతున్నారు. బాలికల విద్య కోసం మమతా బెనర్జీ ప్రారంభించిన కన్యాశ్రీ పథకంతో దీనికి ఓ విధంగా దోహదం చేసిందని బెంగాల్ వాసులు పేర్కొంటున్నారు. బాలికల డ్రాపౌట్స్‌ను నిరోధించడానికి సీఎం మమత ఈ పథకాన్ని ప్రారంభించారు. ఈ పథకానికి అంతర్జాతీయంగా కూడా ప్రశంసలు లభిస్తున్నాయి.

కన్యాశ్రీ పథకం పట్ల సానుకూలత వ్యక్తమవుతోందని, అలాగే కలకత్తా యూనివర్సిటీ సోషియాలజీ డిపార్ట్‌మెంట్‌ను దీనిపై అధ్యయనం చేయమని కోరతామని పశ్చిమ్ బెంగాల్ బోర్డ్ ఆఫ్ సెకెండరీ ఎడ్యుకేషన్ అధ్యక్షుడు కల్యాణ్‌మోయ్ గంగూలీ అన్నారు. కానీ ఈ పథకం ద్వారా ఎలాంటి ఆర్థిక సాయం ఉండదని, కేవలం బాలికల చదివిస్తున్న కుటుంబాలకు సహాయకారిగా ఉంటుందని ఆయన తెలిపారు.

బాలికల విద్య అనే లక్ష్యాన్ని కన్యాశ్రీ ద్వారా విజయవంతమైందని, దీనికి పశ్చిమ్ బెంగాల్ ఓ మంచి ఉదాహరణ అని ప్రముఖ విద్యావేత్త నృసింగోప్రసాద్ భండూరి పేర్కొన్నారు.