ఆర్ఆర్‌బీ పీఈటీ హాల్ టిక్కెట్లు ఆన్‌లైన్ ఉంచిన ఐబీపీఎస్!

గ్రామీణ బ్యాంకుల్లో మేనేజర్, ఆఫీస్‌ అసిస్టెంట్ పోస్టుల భర్తీకి నోటిఫికేషన్‌ను ఐబీపీఎస్‌ విడుదల చేసిన విషయం తెలిసిందే. దీని ద్వారా దేశవ్యాప్తంగా ఆంధ్రప్రదేశ్, తెలంగాణ సహా దేశవ్యాప్తంగా 45 గ్రామీణ బ్యాంకుల్లో స్కేల్ 1 ఆఫీసర్, అసిస్టెంట్ పోస్టులను భర్తీ చేయనున్నారు. ఇందుకు సంబంధించిన దరఖాస్తు ప్రక్రియ జులై 4న ముగియగా, ప్రాథమిక రాత పరీక్షను ఆగస్టు 3 నుంచి నిర్వహిస్తారు. ఆఫీసర్ స్కేల్-1 పోస్టులకు ఆగస్టు 3, 4, 11 తేదీల్లో, ఆఫీస్ అసిస్టెంట్ పోస్టులకు ఆగస్టు 17, 18, 25 తేదీల్లో జరుగుతాయి. ఈ పరీక్షలో ఆన్‌లైన్‌లో నిర్వహిస్తోంది. అయితే, రాత పరీక్షకు ముందు నిర్వహించే ప్రీ-ఎగ్జామినేషన్ ట్రెయినింగ్‌కు హాల్‌టిక్కెట్లు ఐబీపీఎస్ అందుబాటులో ఉంచింది. ఇవి ఆగస్టు 2 వరకు డౌన్‌లోడ్ చేసుకోవచ్చు.

హాల్ టిక్కెట్లు డౌన్‌లోడ్ ఇలా: అభ్యర్థులు ఐబీఎస్ వెబ్‌సైట్‌లోకి వెళ్లి RRB PET call letter link క్లిక్ చేయాలి. Office Assistant call letter or Officer Scale I call letter లింక్ కనిపిస్తుంది. అభ్యర్థులు ఏ పోస్టులకు దరఖాస్తు చేశారో వాటిపై క్లిక్ చేయాలి. అనంతరం రిజిస్ట్రేషన్ నెంబరు, పాస్‌వర్డ్ సబ్‌మిట్ చేస్తే పీఈటీ కాల్ లెటర్ కనిపిస్తుంది.

ఇక, తెలుగు రాష్ట్రాల్లో ఆంధ్రప్రదేశ్‌ పరిధిలో అనంతపురం, చీరాల, చిత్తూరు, గుంటూరు, కాకినాడ, కడప, కర్నూలు, నెల్లూరు, ఒంగోలు, పుత్తూరు, రాజమండ్రి, శ్రీకాకుళం, తిరుపతి, విజయవాడ, విశాఖపట్నం, విజయనగరం జిల్లా ప్రాంతాల్లో ప్రిలిమినరీ పరీక్ష నిర్వహించనున్నారు. అదేవిధంగా తెలంగాణలో హైదరాబాద్, కరీంనగర్, ఖమ్మం, వరంగల్ జిల్లాల్లో పరీక్ష కేంద్రాలను ఏర్పాటు చేశారు.
undefined