TS Panchayat Secretary Notification 2018: పంచాయతీ కార్యదర్శి దరఖాస్తు గడువు పెంపు

జూనియర్ పంచాయతీ కార్యదర్శి దరఖాస్తు గడువును ప్రభుత్వం పొడిగించింది. నిజానికి ఫీజు చెల్లింపుకు మంగళవారం (సెప్టెంబరు 11) చివరి తేదీ, దరఖాస్తుకు బుధవారం (సెప్టెంబరు 12) చివరి తేదీ. అయితే.. దరఖాస్తు ప్రక్రియలో ఎదురవుతున్న ఇబ్బందుల దృష్ట్యా గడువును పొడిగించాలని ప్రభుత్వం నిర్ణయించింది. ఈ మేరకు ఫీజు చెల్లించడానికి గడువును సెప్టెంబరు 14 వరకు, దరఖాస్తు చేసుకోవడానికి గడువును సెప్టెంబరు 15 వరకు పొడిగిస్తూ ఉత్తర్వులు జారీ చేసింది. మంత్రి జూపల్లి కృష్ణారావు సూచనలతో గడువు పొడిగిస్తూ నియామక ప్రక్రియ కమిటీ కన్వీనర్ నీతూ ప్రసాద్ మంగళవారం (సెప్టెంబరు 11) ఉత్తర్వులు జారీ చేశారు.

ఇక జూనియర్‌ పంచాయతీ కార్యదర్శుల పోస్టుల భర్తీకి సంబంధించి ప్టెంబ‌ర్‌ 28 జరగాల్సిన రాతపరీక్షను ప్రభుత్వం అక్టోబరు 4న నిర్వహించనుంది. ఈ ఉద్యోగాలకు దరఖాస్తు ఫీజు జనరల్ క్యాటగిరీ అభ్యర్థులు రూ.500; ఎస్సీ, ఎస్టీ, బీసీ అభ్యర్థులు రూ.250 చెల్లించాల్సి ఉంటుంది. ఆబ్జెక్టివ్ పద్ధతిలో 150 మార్కులకు రెండు పేపర్లలో రాతపరీక్ష నిర్వహించనున్నారు.
Related Article: పంచాయతీ కార్యదర్శి పోస్టుల అర్హతలు, వివరాలు