Cold wave : ఈనెల 7 వరకు స్కూళ్లకు సెలవులు ప్రకటించిన స్థానిక ప్రభుత్వాలు.. ఎందుకంటే..?

cold wave : ఉత్తర భారతంలో చలిగాలులు తీవ్రరూపం దాల్చిన నేపథ్యంలో స్థానిక ప్రభుత్వాలు కీలక నిర్ణయాలు తీసుకున్నాయి. అక్కడ దట్టంగా కురుస్తున్న పొగమంచు కారణంగా రోడ్లపై ముందు వచ్చే వాహనాలు కనిపించక వాహనదారులు నానా ఇక్కట్లు పడుతున్నారు. అక్కడ చలిగాలుల తీవ్రత కారణంగా మధ్యప్రదేశ్‌, ఉత్తరప్రదేశ్‌లోని పలు జిల్లాల్లో పాఠశాలలకు సెలవుల ప్రకటించాయి ఆయా రాష్ట్ర ప్రభుత్వాలు. మధ్యప్రదేశ్‌లోని పలు ప్రాంతాల్లో మంచుకు వాన తోడైంది. మరో రెండు, మూడు రోజులు వడగళ్ల వాన కురిసే అవకాశాలున్నాయని వాతావరణ శాఖ ఇప్పటికే హెచ్చరికలు జారీ చేసింది కూడా. దీంతో జనవరి 4 నుంచి 7వ తేదీ వరకు అక్కడి పాఠశాలలకు తాత్కాలికంగా సెలవులు ప్రకటించారు.

ఈ మేరకు 12వ తరగతి వరకు అన్ని ప్రభుత్వ, ప్రైవేటు పాఠశాలలకు సెలవులు మంజూరు చేస్తూ ఉత్తర్వులు జారీ చేశారు. కస్తూర్భా గాంధీ బాలికల రెసిడెన్షియల్‌ స్కూల్స్‌కు కూడా తాజా ఉత్తర్వులు వర్తిస్తాయని పేర్కొంది. విద్యార్ధులతోపాటు ఉపాధ్యాయులు, నాన్‌ టీచింగ్‌ స్టాఫ్‌ కూడా ఈ నాలుగు రోజులపాటు పాఠశాలలకు వెల్లనవసరం లేదని వివరించింది.

Railway : రాత పరీక్ష లేకుండా.. 10వ తరగతి అర్హతతో 1785 రైల్వే ఉద్యోగాలు.. దరఖాస్తు ప్రక్రియ ప్రారంభమైంది
Coronavirus : లాక్‌డౌన్‌తో స్కూళ్లు, కాలేజీలకు సెలవులు..! వాస్తవమెంత..?
COVID : దేశంలో కరోనా కొత్త వేరియంట్ వెలుగుచూసిన కారణంగా త్వరలో స్కూళ్లు, కాలేజీలు బంద్ చేస్తారని సోషల్ మీడియాలో జోరుగా ప్రచారం జరుగుతోంది. లాక్‌డౌన్ కూడా విధించే అవకాశం ఉందని వార్తలు హల్‌చల్‌ చేస్తున్నాయి. అయితే ప్రెస్ ఇన్ఫర్మేషన్ బ్యూరో (PIB) వీటిపై స్పందించింది. ఈ వార్తల్లో ఎలాంటి వాస్తవం లేదని చెప్పింది. ఇదంతా నిరాధారమైన ఫేక్ న్యూస్ అని కొట్టిపారేసింది.

స్కూళ్లు, కాలేజీలకు 15 రోజులు సెలవులు ప్రకటిస్తారనే బోగస్ వార్తలను ఎవరూ నమ్మవద్దని పేర్కొంది. వాస్తవాలు తెలుసుకోవాలని ప్రజలకు సూచించింది. ఈ మేరకు ఫ్యాక్ట్ చెక్ చేసి ట్విట్టర్‌లో పోస్టు చేసింది. మరోవైపు చలి తీవ్రత బాగా పెరగడంతో కాన్పూర్, నోయిడా లక్నో, బిహార్, జార్ఖండ్, పంజాబ్, ఢిల్లీలోని పలు పాఠశాలలను మూసివేశారు. పొగమంచు కారణంగా కొన్ని చోట్ల స్కూళ్ల సమయాన్ని మార్చారు. అంతేగానీ కరోనా కారణంగా సెలవులు ప్రకటించలేదని స్పష్టం చేసింది.

TS High Court : తెలంగాణ జిల్లా కోర్టుల్లో 1226 ఉద్యోగాలు.. 7వ తరగతి పాసై ఉంటే చాలు.. అప్లయ్‌ చేసుకోండి
Sankranti : స్కూళ్లకు సంక్రాంతి సెలవులు పొడిగింపు..? పూర్తి వివరాలివే
Sankranti Holidays 2023 : తెలుగువాళ్లు దేశంలో ఎక్కడున్నా సంక్రాంతి పండగకు వారి సొంత ఊరికి వచ్చి కుటుంబ సభ్యులు, గ్రామస్థులతో పండగను జరుపుకుంటారు. ఈ క్రమంలో విద్యార్థులకు సైతం సంక్రాంతి సెలవులంటే ఆసక్తి ఎక్కువ. అయితే.. ఇప్ప‌టికే ఆంధ్రప్రదేశ్‌ ప్రభుత్వం విడుదల చేసిన అకడమిక్ క్యాలెండర్ ప్రకారం జనవరి 11 నుంచి 16 వరకు సంక్రాంతి సెలవులు ప్రకటించారు. అయితే దీనిపై ఏపీ ఉపాధ్యాయ సమాఖ్య, ఉపాధ్యాయ సంఘాలు పలు అభ్యంతరాలు వ్యక్తం చేశాయి.

గతంలో కనీసం 10 రోజుల పాటు సంక్రాంతి సెలవులు ఇచ్చేవారని.. అయితే ఇప్పుడు మారిన పరిస్థితుల రిత్యా వాటిని తగ్గించడం సరికాదని విద్యాశాఖ మంత్రి బొత్స సత్యనారాయణను కోరాయి. దీనిపై మంత్రి కూడా సానుకూలంగా స్పందించారని తెలుస్తోంది. ఈ విషయాన్ని ప్రభుత్వం దృష్టికి తీసుకెళ్లి సానుకూల నిర్ణయం తీసుకుంటామని ఏపీ ఉపాధ్యాయ సమాఖ్య, రాష్ట్రోపాధ్యాయ సంఘాలు వివరించారు. దీనిపై అధికారిక ప్రకటన రావాల్సి ఉంది. స్కూళ్లకు సంక్రాంతి సెలవులు పొడిగించే అవకాశం ఉన్న‌ట్లు ఆశాభావం వ్య‌క్త‌మ‌వుతోంది. త్వరలో ఈ అంశంపై అధికారికంగా ప్రకటన రానుంది.