నీట్ ఫలితాలు విడుదల.. రిజల్ట్ చెక్ చేసుకోండి

నేషనల్ ఎలిజిబిలిటీ అండ్ ఎంట్రన్స్ టెస్ట్ (నీట్) ఫలితాలను సీబీఎస్‌ఈ శుక్రవారం విడుదల చేసింది. వాస్తవానికి జూన్ 8నే ఈ ఫలితాలు వెలువడాల్సి ఉంది. కాగా, మద్రాస్ హైకోర్టు స్టే విధించడంతో ఫలితా వెల్లడి ఆలస్యమైంది. నీట్ కోసం 11. 39 లక్షల మంది విద్యార్థులు రిజిస్టర్ చేసుకున్నారు. దేశవ్యాప్తంగా 1921 పరీక్ష కేంద్రాల్లో 10 భాషల్లో పరీక్ష నిర్వహించారు. ఎన్నారైలు, భారత సంతతికి చెందిన విద్యార్థులతోపాటు విదేశీయులు కూడా నీట్ రాశారు.

నీట్ ఫలితాల కోసం క్లిక్ చేయండి..

వైద్య విద్యలో ప్రవేశం కోసం 2013 నుంచి నీట్ నిర్వహిస్తున్నారు. ఈ ఏడాది మే 7న ఈ పరీక్ష నిర్వహించారు. పరీక్ష పత్రం కొన్ని రాష్ట్రాల్లో ఈజీగా ఉందని ఆరోపిస్తూ.. పరీక్షను రద్దు చేయాలని కోరుతూ కొందరు విద్యార్థులు మధురై బెంచ్‌ను ఆశ్రయించడంతో ఫలితాల వెల్లడి ఆలస్యమైంది.

నీట్‌కు 11.39 లక్షల మంది దరఖాస్తు చేసుకోగా.. ఈ పరీక్ష ద్వారా 65 వేల ఎంబీబీఎస్ సీట్లు, 25 వేల బీడీఎస్ సీట్లను భర్తీ చేస్తారు.