NEET PG 2022 live updates: నీట్‌ పీజీ పరీక్షపై సుప్రీంకోర్టు కీలక నిర్ణయం.. పూర్తి వివరాలివే

NEET PG 2022 పరీక్ష వాయిదాపై సుప్రీంకోర్టు కీలక నిర్ణయం తీసుకుంది. ఈ పరీక్షను వాయిదా వేయాలంటూ కొందరు సుప్రీంకోర్టును ఆశ్రయించగా.. ఆ పిటిషన్‌లపై సుప్రీంకోర్టు శుక్రవారం విచారణ చేపట్టింది. ఈ సందర్భంగా నీట్ పీజీ పరీక్షను వాయిదా వేయలేమని అత్యున్నత న్యాయస్థానం స్పష్టం చేసింది.

నీట్‌ పరీక్ష ఆలస్యమైతే డాక్టర్ల కొరత ఏర్పడుతుందని.. తద్వారా రోగుల సంరక్షణపై తీవ్ర ప్రభావం పడుతుందని కోర్టు అభిప్రాయపడింది. అటు పరీక్ష కోసం దరఖాస్తు చేసుకున్న లక్షల మంది విద్యార్థుల జీవితాలను అయోమయంలోకి నెట్టినట్లు అవుతుందని.. గందరగోళ పరిస్థితులు నెలకొంటాయని సుప్రీంకోర్టు పేర్కొంది.

India Post GDS Recruitment 2022: పోస్ట్‌ ఆఫీసుల్లో 39576 ఉద్యోగాలు.. టెన్త్‌, డిగ్రీ పాసై ఉంటే చాలు.. రూ.30,000 వరకూ జీతం
నీట్ పీజీ పరీక్షకు హాజరవుతున్న విద్యార్థుల్లో రెండు కేటగిరీల వారు ఉన్నారని.. ఓ వర్గం వాయిదా వేయాలని కోరుతోందని సుప్రీంకోర్టు వ్యాఖ్యానించింది. కానీ పరీక్షను వాయిదా వేస్తే.. పరీక్ష కోసం సన్నద్ధమైన 2.06 లక్షల మంది విద్యార్థులున్న మరో వర్గానికి నష్టం జరుగుతుందని ధర్మాసనం అభిప్రాయపడింది. కరోనా కారణంగా పరీక్షల షెడ్యూల్ప్రభావితమైందని.. దానిని పునరుద్ధరించే దిశగా కేంద్ర ప్రభుత్వం ప్రయత్నిస్తోందని పేర్కొంది. కాగా.. నీట్‌ పీజీ పరీక్ష ఇటీవల ప్రకటించిన షెడ్యూల్‌ ప్రకారం మే 21న జరగనుంది.