స్పోర్ట్స్‌ కోటా భర్తీకి మార్గదర్శకాలపై ఉత్తర్వులు!

తెలంగాణలోని మెడికల్, ఇంజినీరింగ్‌, అగ్రికల్చర్‌ కోర్సుల్లో ప్రవేశాలకు సంబంధించి స్పోర్ట్స్‌ కోటా భర్తీకి మార్గదర్శకాలు ఖరారు చేస్తూ ప్రభుత్వం ఉత్తర్వులు జారీ చేసింది. ప్రభుత్వం తాజాగా జారీచేసిన ఈ ఉత్తర్వుల ప్రకారం ఒలింపిక్స్‌, యూత్‌ ఒలింపిక్స్‌, ఏషియన్‌ గేమ్స్‌, యూత్‌ ఏషియన్‌ గేమ్స్‌, కామన్వెల్త్‌, యూత్‌ కామన్వెల్త్, సౌత్‌ ఏషియన్‌ ఫెడరేషన్, నేషనల్‌ గేమ్స్‌లో పాల్గొన్న క్రీడాకారులకే ఈ కోటా కింద ప్రవేశాలు కల్పించనుంది.

ఒకవేళ ఎవరైనా నకిలీ సర్టిఫికెట్లు ఇస్తే.. వారిపై క్రిమినల్‌ చర్యలు తప్పవని, వాటిని ధృవీకరించిన అధికారులపై కూడా చర్యలు తప్పవని ప్రభుత్వం హెచ్చరించింది. విద్యార్థులు, తల్లిదండ్రులపై చర్యలుంటాయని తెలిపింది.