ప్రభుత్వ బ్యాంకుల్లో 41,177 ఉద్యోగ ఖాళీలు.. లోక్‌సభలో వెల్లడించిన మంత్రి

దేశంలోని ప్రభుత్వ రంగ బ్యాంకు (పీఎస్‌బీ)ల్లో ఈ నెల 1 నాటికి 41,177 ఖాళీలు ఉన్నాయని కేంద్ర ఆర్థిక శాఖ మంత్రి నిర్మలా సీతారామన్‌ తెలియజేశారు. ఒక్క ఎస్‌బీఐలోనే గరిష్ఠంగా 8,544 ఉద్యోగాలు భర్తీ కావాల్సి ఉందని చెప్పారు. అలాగే పీఎన్‌బీలో 6,743, సెంట్రల్‌ బ్యాంక్‌ ఆఫ్‌ ఇండియాలో 6,295, ఇండియన్‌ ఓవర్‌సీస్‌ లో 5,112, బీవోఐలో 4,848 ఖాళీలు ఉన్నాయి.

బీటెక్‌ అర్హతతో Hyderabad ECIL లో 300 ఉద్యోగాలు.. నెలకు రూ.25,000 జీతం.. రాత పరీక్ష లేదు
సోమవారం లోక్‌సభకు సమర్పించిన ఓ లిఖితపూర్వక సమాధానంలో మొత్తం 12 పీఎస్‌బీల్లో వివిధ స్థాయిల్లో 8,05,986 కుపైగా స్థానాలున్నాయని, ఇందులో ఆఫీసర్లు, క్లర్కులు, సబ్‌-స్టాఫ్‌ హోదాల్లో 41,177 ఖాళీలు ఉన్నాయని వివరించారు. కాగా, ప్రభుత్వ బ్యాంకుల్లో సిబ్బంది కొరత పెద్ద ఎత్తునే ఉందన్నారు.