Telangana: విద్యార్థులకు ఈనెల 26 వరకు దసరా సెలవులు పొడిగింపు.. ఈ తరగతులకు మాత్రమే..!

Telangana: తెలంగాణలో అక్టోబర్‌ 9వ తేదీ వరకు విద్యాసంస్థలకు ప్రభుత్వం దసరా సెలవులను ప్రకటించిన విషయం తెలిసిందే. పదో తేదీ నుంచి కాలేజీలు, స్కూళ్లు ప్రారంభం కానున్నాయి. అయితే.. ఉస్మానియా యూనివర్సిటీ లో ఎంఏ, ఎంకాం, ఎమ్మెస్సీ, పీజీ కోర్సుల విద్యార్థులకు మాత్రం ఈ నెల 26 వరకు సెలవులను ప్రకటించారు. ఈ మేరకు రిజిస్టార్ ప్రొఫెసర్ లక్ష్మీనారాయణ అధికారికంగా ప్రకటన విడుదల చేశారు.

దసరా సెలవులు ఈ నెల 9వ తేదీన ముగిసాక.. ఆయా కాలేజీలకు కేవలం లెక్చరర్లు మాత్రమే హాజరవుతారు. తరగతులు మాత్రం అక్టోబర్‌ 26 వరకు ప్రారంభం కావని స్పష్టం చేశారు. కరోనా కారణంగా రెండేళ్లుగా ప్రథమ, ద్వితీయ సంవత్సరం పీజీ కోర్సుల తరగతుల మధ్య గ్యాప్ ఏర్పడింది. ఈ నేపథ్యంలోనే ఈ నిర్ణయం తీసుకున్నట్లు రిజిస్టార్ వివరించారు. ఈ అకడమిక్ ఇయర్ నుంచి ఫస్ట్ ఇయర్ విద్యార్థుల అడ్మిషన్ తర్వాత ఫస్ట్ ఇయర్, సెకండియర్ విద్యార్థులకు ఒకేసారి క్లాసులు నిర్వహించాలని నిర్ణయించామన్నారు. హాస్టల్స్, మెస్ లు సైతం ఈ నెల 26వ తేదీ నుంచే ప్రారంభం అవుతాయని ఆయన స్పష్టం చేశారు. విద్యార్థులు ఈ విషయాన్ని గమనించాలని సూచించారు.

రైల్వేలో 6269 ఉద్యోగాలు.. రాత పరీక్ష లేకుండా అకడమిక్‌ మెరిట్‌ ఆధారంగా ఎంపిక.. 10వ తరగతితో పాటు ఈ అర్హతలుండాలి

సెంట్రల్ బ్యాంక్ ఆఫ్ ఇండియాలో 110 ఉద్యోగాలు.. అప్లయ్‌ చేసుకోవడానికి లింక్‌ ఇదే

4 ప్రభుత్వ బ్యాంకుల్లో 2169 ఉద్యోగాలు.. అప్లికేషన్‌ ప్రారంభమైంది.. ఈ నెలలోనే అప్లయ్‌ చేసుకోవాలి