TS Panchayat Secretary Qualification: పంచాయతీ కార్యదర్శి పోస్టుల అర్హతలు, వివరాలు

తెలంగాణలో 9,335 జూనియర్‌ పంచాయతీ కార్యదర్శుల పోస్టుల భర్తీకి సంబంధించి ప్రభుత్వం ఇటీవలే నోటిఫికేషన్‌ విడుదల చేసిన సంగతి తెలిసిందే. తెలంగాణలో కొత్త జోనల్ విధానానికి అనుగుణంగా ఈ పోస్టులను భర్తీచేయనున్నారు. డిగ్రీ అర్హత ఉన్నవారు ఈ పోస్టులకు దరఖాస్తు చేసుకోవడానికి అర్హులు. ఆన్‌లైన్ ద్వారా దరఖాస్తు చేసుకోవాలి. రాతపరీక్ష ద్వారా అభ్యర్థులను ఎంపికచేస్తారు. ఎంపికైనవారికి నెలకు రూ.15 వేల చొప్పున వేతనం ఇస్తూ.. మూడేళ్ల తర్వాత పనితీరు ఆధారంగా ప్రభుత్వం వీరిని క్రమబద్ధీకరిస్తుంది.

అర్హతలు, ఇతర వివరాలు..

* జూనియ‌ర్ పంచాయ‌తీ కార్య‌ద‌ర్శి: 9,355 పోస్టులు

అర్హ‌త‌: ఏదైనా డిగ్రీ ఉత్తీర్ణ‌త‌. అభ్యర్థులు కచ్చితంగా కొత్త జిల్లాల్లో స్థానికులై ఉండాలి.

వ‌య‌సు: 31.08.2018 నాటికి 18-39 సంవత్సరాల మధ్య ఉండాలి. ఎస్సీ, ఎస్టీ, బీసీలకు అయిదేళ్లు, దివ్యాంగులకు పదేళ్లు గరిష్ఠ వయోపరిమితిలో సడలింపు ఉంటుంది.

దరఖాస్తు విధానం: ఆన్‌లైన్ ద్వారా దరఖాస్తు చేసుకోవాలి.

ద‌ర‌ఖాస్తు ఫీజు: రూ.800. ఎస్సీ, ఎస్టీ, బీసీలకు రూ.400.

ఎంపిక‌ విధానం: రాత‌ప‌రీక్ష ద్వారా అభ్యర్థులను ఎంపికచేస్తారు.

రాత ప‌రీక్ష ఎలా ఉంటుంది..?
మొత్తం 200 మార్కులకు రాతపరీక్ష నిర్వహిస్తారు. 100 మార్కులకు పేపర్-1, 100 మార్కులకు పేపర్-2 ఉంటుంది. ఆబ్జెక్టివ్‌ విధానంలో ప్రశ్నలు అడుగుతారు. ఒక్కో ప్రశ్నకు ఒకమార్కు. ప్రతి తప్పు సమాధానానికి 0.25 చొప్పున మార్కుల్లో కోత విధిస్తారు. ఒక్కో పేపరుకు 2 గంటల సమయం కేటాయించారు.
* పేపర్-1లో జనరల్‌ నాలెడ్జ్, జనరల్‌ మెంటల్‌ ఎబిలిటీకి సంబంధించిన ప్రశ్నలు అడుగుతారు.
* పేపరు-2లో తెలంగాణ పంచాయతీరాజ్‌ నూతన చట్టానికి, పంచాయతీరాజ్‌ సంస్థలకు, స్థానిక ప్రభుత్వాలు, గ్రామీణాభివృద్ధి, తెలంగాణ చరిత్ర, సంస్కృతి, భౌగోళికం, ఆర్థికం, ప్రభుత్వ పథకాలకు సంబంధించిన ప్రశ్నలు అడుగుతారు.

ముఖ్యమైన తేదీలు...
* ఆన్‌లైన్ ద‌ర‌ఖాస్తు ప్రక్రియ ప్రారంభం: 03.09.2018.
* ఫీజు చెల్లించ‌డానికి చివ‌రి తేది: 11.09.2018.
* ఆన్‌లైన్ ద‌ర‌ఖాస్తుకు చివ‌రి తేది: 12.09.2018.

నోటిఫికేషన్

ఆన్‌లైన్ అప్లికేషన్

Related Article: 9355 పోస్టులతో పంచాయతీ కార్యదర్శుల నోటిఫికేషన్‌ విడుదల