RRB ALP Technician Result: అసిస్టెంట్ లోకోపైలట్, టెక్నీషియన్ ఫలితాలు విడుదల..

రైల్వే అసిస్టెంట్ లోకో పైలట్, టెక్నీషియన్ పరీక్షల ఫలితాలు విడుదలయ్యాయి. అసిస్టెంట్ లోకో పైలట్, టెక్నీషియన్ స్టేజ్-1 ఆన్‌లైన్ పరీక్షల ఫలితాలను శనివారం (నవంబరు 2) ఆర్‌ఆర్‌బీ విడుదల చేసింది. పరీక్షలకు హాజరైన విద్యార్థులు సంబంధిత రీజియన్ వెబ్‌సైట్‌లో తమ ఫలితాలను చూసుకోవచ్చు. స్టేజ్-1 పరీక్షల్లో ఉత్తీర్ణులైనవారే స్టేజ్-2 ఆన్‌లైన్ పరీక్షలకు అర్హత సాధిస్తారు. స్టేజ్-2 కి అర్హత సాధించిన అభ్యర్థులకు డిసెంబరు 12 నుంచి 14 వరకు ఆన్‌లైన్ పరీక్షలు నిర్వహించనున్నారు.
ఫలితాల కోసం క్లిక్ చేయండి..

దేశవ్యాప్తంగా 47.56 లక్షల మంది దరఖాస్తు చేసుకున్న ఈ గ్రూప్-సి పోస్టుల భర్తీకి మొదటిసారిగా కంప్యూటర్ ద్వారా ఆగస్టు (9, 17, 20, 21)లో నాలుగు దఫాల్లో రాతపరీక్ష నిర్వహించారు. కేరళలో వరదల కారణంగా వాయిదా పడిన పరీక్షలను సెప్టెంబరు 4న నిర్వహించారు. రాతపరీక్షకు సంబంధించిన 'కీ'ని సెప్టెంబరు 14న విడుదల చేశారు. 'కీ'ని వెబ్‌సైట్‌లో అందుబాటులో ఉంచారు. 'కీ'పై సెప్టెంబరు 14 నుంచి 18 వరకు అభ్యంతరాలను స్వీకరించారు. అనంతరం ఫైనల్ 'కీ' అందుబాటులో ఉంచార. ఫైనల్ 'కీ' డిసెంబరు 11 వరకు అందుబాటులో ఉండనుంది.
కటాఫ్ మార్కుల కోసం క్లిక్ చేయండి..

ఈ ఏడాది జనవరిలో 26,502 అసిస్టెంట్ లోకో పైలట్, టెక్నీషియన్ భర్తీకి నోటిఫికేషన్ విడుదలచేసిన సంగతి తెలిసిందే. అయితే ఈ పోస్టులను రెట్టింపు చేస్తూ రైల్వేశాఖ నిర్ణయం తీసుకుంది. దీంతో మొత్తం పోస్టుల సంఖ్య 60,000 వేలకు చేరాయి. దీనివల్ల మరింత మంది నిరుద్యోగులకు రైల్వే కొలువు పొందే అవకాశం దక్కినట్లైంది.
వెబ్‌సైట్