SBI Hackathon 2022: ఎస్‌బీఐ బంపర్‌ ఆఫర్‌.. రూ.9 లక్షల ప్రైజ్‌ మనీ గెలుచుకునే ఛాన్స్‌.. మీరు చేయాల్సింది చాలా సింపుల్‌

SBI Innovate for Bank Hackathon 2022: స్టేట్ బ్యాంక్ ఆఫ్ ఇండియా (SBI) ఇన్నోవేట్ ఫర్ బ్యాంక్ 2022 హ్యాకథాన్ (Innovate for Bank Hackathon) ప్రకటించింది. మైక్రోసాఫ్ట్ అజ్యూర్‌ (Microsoft Azure)తో కలిసి ఈ హ్యాకథాన్ నిర్వహిస్తోంది. ఎస్‌బీఐ ఎదుర్కొంటున్న సవాళ్లకు సాంకేతికంగా పరిష్కారం చూపించి ప్రైజ్ మనీ గెలుచుకోవచ్చు. ఎస్‌బీఐ ఈ హ్యాకథాన్‌కు మొత్తం రూ.9,00,000 ప్రైజ్ మనీ ప్రకటించింది. ప్రస్తుతం ఈ హ్యాకథాన్‌కు సంబంధించిన రిజిస్ట్రేషన్ ప్రక్రియ కొనసాగుతోంది. రౌండ్ 1 రిజిస్ట్రేషన్ మే 20 వరకు కొనసాగుతుంది. రౌండ్ 2 ఐడియా సబ్మిషన్‌కు మే 24 వరకు కొనసాగుతుంది. అలాగే.. మే 25 నుంచి మే 31 వరకు ఐడియాలను పరిశీలిస్తారు. ప్రోటోటైప్ క్వాలిఫయర్లను జూన్ 1న ప్రకటిస్తారు. రౌండ్ 3 ప్రోటోటైప్ డెవలప్‌మెంట్ జూన్ 1 నుంచి జూన్ 20 వరకు కొనసాగుతుంది. ప్రోటోటైప్ పరిశీలన జూన్ 21 నుంచి జూన్ 28 వరకు ఉంటుంది. జూన్ 29న విజేతలను ప్రకటిస్తారు.

Telangana ePass: తెలంగాణ విద్యార్థులు స్కాలర్‌షిప్‌ల కోసం అప్లయ్‌ చేసుకోండి.. డైరెక్ట్‌ లింక్‌ ఇదే
ఐదు థీమ్స్‌లో హ్యాకథాన్‌:
రిజిస్ట్రేషన్‌ తర్వాత ఐడియా సబ్మిషన్, ప్రోటోటైప్, విజేతల ప్రకటన లాంటి పలు దశలు ఉంటాయి. ఎస్‌బీఐ ఐదు థీమ్స్‌లో ఈ హ్యాకథాన్ జరుగుతోంది. ఇమేజ్, డాక్యుమెంట్ ఆప్టిమైజేషన్, వీడియో కంప్రెషన్, వాయిస్ బయోమెట్రిక్స్, ఐడెంటిఫికేషన్ అండ్ ఆప్టికల్ క్యారెక్టర్ రికగ్నిషన్, వీడియో అనలిటిక్స్ అంశాల్లో ఐడియాలను ఆహ్వానిస్తోంది.

నిబంధనలివే:

• ఇది టీమ్ పార్టిసిపేషన్ హ్యాకథాన్. టీమ్‌లో నలుగురు లేదా అంతకన్నా ఎక్కువ సభ్యులు ఉండాలి. ఇది ఆన్‌లైన్ ద్వారా జరుగుతున్న హ్యాకథాన్. ఈ హ్యాకథాన్‌లో పాల్గొనేవారు భారతదేశంలో నివసిస్తున్నవారై ఉండాలి. ఒకరు ఎన్ని హ్యాక్స్ అయినా సబ్మిట్ చేయొచ్చు. అయితే తుది గడువు కన్నా ముందు వచ్చిన హ్యాక్‌ను పరిగణలోకి తీసుకుంటారు.
• ఐడియా దశకు ఎంపికైనవారు మాత్రమే హ్యాకథాన్‌లో కొనసాగుతారు. వారు మాత్రమే ప్రోటోటైప్ రూపొందించాల్సి ఉంటుంది. హ్యాకథాన్‌లో పాల్గొనేవారు వినూత్నమైన ఐడియాలను సమర్పించాలి. మరోచోట ఐడియాలు కాపీ చేసినట్లయితే డిస్‌క్వాలిఫై చేస్తారు.
• మైక్రోసాఫ్ట్‌ అజ్యూర్‌తో పాటు విజువల్ స్టూడియో, పవర్ యాప్స్, గిట్‌హబ్ లాంటి మైక్రోసాఫ్ట్ టూల్స్ కూడా ఉపయోగించవచ్చు. ఎస్‌బీఐ ఉద్యోగులు కూడా ఈ హ్యాకథాన్‌లో పాల్గొనొచ్చు. విజేతలకు ఫస్ట్ ప్రైజ్ రూ.5,00,000, సెకండ్ ప్రైజ్ రూ.3,00,000, థర్డ్ ప్రైజ్ ప్రైజ్ రూ.1,00,000 ఉంటుంది. ఈ హ్యాకథాన్‌కు సంబంధించిన మరిన్ని వివరాలను లింక్‌ ద్వారా తెలుసుకోవచ్చు.