SSC CGL 2017 తుది ఫలితాలు ఎప్పుడంటే?

కంబైన్డ్ గ్రాడ్యుయేట్ లెవల్ ఎగ్జామ్-2017 ఫలితాలను స్టాఫ్ సెలక్షన్ కమిషన్ త్వరలోనే వెల్లడించనుంది. ఫలితాల వెల్లడి తేదీని అధికారికంగా ప్రకటించకపోయినప్పటికీ శుక్రవారం (నవంబరు 15) ఫలితాలు వెలువడే అవకాశమున్నట్లు తెలుస్తోంది. ఫలితాలను అధికారిక వెబ్‌సైట్‌లో అందుబాటులో ఉంచనున్నారు. సెప్టెంబరులోనే నవంబరు 15న ఫలితాలను ప్రకటించనున్నట్లు స్టాఫ్ సెలక్షన్ కమిషన్ ప్రకటించిన సంగతి తెలిసిందే.

Dont Miss: NTPC 'స్టేజ్-1' షెడ్యూలు వచ్చేస్తోంది!
సీజీఎల్ 2017 ద్వారా ఎంపికైన అభ్యర్థులకు జాయినింగ్ లెటర్లకు సంబంధించి స్టే కోరుతూ ఇటీవల సుప్రీంకోర్టులో పిటిషన్ దాఖలైన సంగతి విదితమే. దీనిపై విచారణకు 7 సభ్యుల కమిటీని సుప్రీంకోర్టు నియమించింది. ఈ కమిటీ విచారణ చేపట్టింది. ఇదిలా ఉండగా సంస్కరణలపై నివేదిక సమర్పించే వరకు ఎస్‌ఎస్‌సీ సీజీఎల్‌ తర్వాతి సన్నాహాలు నిర్వహించకుండా నిరోధించాలని సుప్రీంకోర్టులో మరో పిటిషన్ దాఖలైంది.

Also Read: ఇండియన్ నేవీలో 2700 ఖాళీలు


ఇలాంటి పరిస్థితుల నేపథ్యంలో సీజీఎల్-2017 తుది ఫలితాల వెల్లడిపై స్పష్టత కొరవడింది. నవంబరు 15న ఫలితాలు వెల్లడవుతాయా లేదా అన్నది అనుమానమే.. డాక్యుమెంట్ వెరిఫికేషన్ పూర్తయి 5 నెలలు కావస్తున్న ఇంతవరకు తుది ఫలితాలను వెల్లడించకపోవడం పట్ల అభ్యర్థులు ఆందోళన వ్యక్తం చేస్తు్న్నారు.

Read Also: NTPCలో ఉద్యోగాల భర్తీకి నోటిఫికేషన్లు.. వివరాలు ఇలా


స్టాఫ్ సెలక్షన్ కమిషన్ సీజీఎల్ పరీక్షలు మొత్తం నాలుగు దశల్లో (4 టైర్) నిర్వహిస్తారు. టైర్-1, టైర్-2లో కంప్యూటర్ ఆధారిత రాతపరీక్షలు; టైర్-3, టైర్-4లో డిస్క్రిప్టివ్ పేపర్, కంప్యూటర్ ప్రొఫీషియన్సీ టెస్ట్ లేదా స్కిల్ టెస్ట్ నిర్వహిస్తారు. టైర్-1 పరీక్షలను గతేడాది ఆగస్టులో నిర్వహించగా.. టైర్-2 పరీక్షలు ఈ ఏడాది ఫిబ్రవరి 22న నిర్వహించారు. కేంద్ర ప్రభుత్వ పరిధిలోని వివిధ విభాగాల్లో గ్రూప్-బి, గ్రూప్-సి క్యాడర్‌లో ఖాళీగా ఉన్న ఆఫీసర్ పోస్టుల భర్తీకి సీజీఎల్ పరీక్షలు నిర్వహిస్తుంటారు.

సీజీఎల్-2019 ద్వారా గ్రూప్-ఎ, బి, సి, డి సహా అన్ని వర్గాల పోస్టులకు మొత్తం 9,284 పోస్టుల ఖాళీలను భర్తీ చేయనున్నారు.

Also Read: ఇండియన్ నేవీలో 2700 ఖాళీలు

Read More..

➦ మరింత ఉద్యోగ సమాచారం కోసం క్లిక్ చేయండి..
➦ మరింత విద్యాసమాచారం కోసం క్లిక్ చేయండి..