ఎస్బీఐలో 2313 ప్రొబేషనరీ ఆఫీసర్ ఖాళీలు

స్టేట్ బ్యాంక్ ఆఫ్ ఇండియా (ఎస్బీఐ) ప్రొబేషనరీ ఆఫీసర్ పోస్టుల భర్తీకి నోటిఫికేషన్ విడుదల చేసింది. దీని ద్వారా దేశవ్యాప్తంగా ఉన్న వివిధ ఎస్బీఐ శాఖలలోని పీఓ పోస్టులను భర్తీ చేస్తారు.

ప్రొబేషనరీ ఆఫీసర్: 2313
కేటగిరీ వారిగా ఖాళీలు: జనరల్ 1010, ఓబీసీ 606, ఎస్టీ 350, ఎస్సీ 347.
విద్యార్హతలు: కనీసం 50 శాతం మార్కులతో ఏదైనా డిగ్రీ ఉండాలి. డిగ్రీ చివరి ఏడాది పరీక్షలు రాసేవాళ్లు, ఇప్పటికే రాసిన విద్యార్థులు కూడా దరఖాస్తు చేసుకోవచ్చు.
వయసు: 2017 ఏప్రిల్ 1 నాటికి 21 నుంచి 30 ఏళ్ల మధ్య ఉండాలి. నిబంధనల ప్రకారం ఎస్సీ, ఎస్టీ, ఓబీసీలకు వయోపరిమితిలో సడలింపు ఉంటుంది.
ఎంపిక విధానం: రాత పరీక్ష, గ్రూప్ డిస్కషన్, పర్సనల్ ఇంటర్వ్యూ ద్వారా ఎంపిక చేస్తారు.

రాత పరీక్ష విధానం: రెండు దశల్లో నిర్వహిస్తారు. మొదటి దశ ప్రాథమిక పరీక్ష ఆబ్జెక్టివ్ తరహాలో ఉంటుంది. ఇందులో మొత్తం మార్కులు 100. దీనిలో ఇంగ్లిష్ లాంగ్వేజ్ 30, క్వాంటింటేటివ్ ఆప్టిట్యూడ్ 35, రీజనింగ్ ఎబిలిటీ 35 మార్కులు. ఈ పరీక్షలో అర్హత సాధించిన అభ్యర్థులకు మెయిన్ నిర్వహిస్తారు. మెయిన్‌లో ఆబ్జెక్టివ్, డిస్క్రిప్టివ్ రెండు విభాగాలు ఉంటాయి.

ఆబ్జెక్టివ్ పరీక్షలో రీజనింగ్ అండ్ కంప్యూటర్ ఆప్టిట్యూడ్ 60, డేటా ఎనాలిసిస్ అండ్ ఇంటర్‌ప్రిటేషన్ 60, జనరల్ ఎకానమీ 40, ఇంగ్లిష్ లాంగ్వేజ్ 40 మార్కులు. డిస్క్రిప్టివ్ పరీక్షలో ఇంగ్లిష్ లాంగ్వేజ్‌కు సంబంధించిన ప్రశ్నలు 50 మార్కులకు ఉంటాయి. ఇందులో అర్హత సాధించినవారికి మెరిట్ ప్రాతిపదికన ఎంపిక చేసి గ్రూప్ డిస్కషన్, పర్సనల్ ఇంటర్వ్యూ నిర్వహిస్తారు.

దరఖాస్తు విధానం: ఎస్బీఐ వెబ్‌సైట్‌లో ఆన్‌లైన్ ద్వారా దరఖాస్తు చేయాలి.
ఫీజు: జనరల్, ఓబీసీ అభ్యర్థులు రూ.600, ఎస్సీ, ఎస్టీ, దివ్యాంగులు రూ.100 ఆన్‌లైన్‌లో చెల్లించాలి.
ఆన్‌లైన్ రిజిస్ట్రేషన్ ప్రారంభం: ఫిబ్రవరి 7
చివరితేది: మార్చి 6
ప్రాథమిక పరీక్ష తేది: ఏప్రిల్ 29, 30, మే 6, 7
ప్రాథమిక పరీక్ష ఫలితాలు వెల్లడి: మే 17
మెయిన్ రాత పరీక్ష తేది: జూన్ 4
గ్రూప్ డిస్కషన్, పర్సనల్ ఇంటర్య్యూ తేది: జులై 10

నోటిఫికేషన్

ఆన్‌లైన్ రిజిస్ట్రేషన్