సిండికేట్ బ్యాంక్‌లో పీఓ ఉద్యోగాలు

సిండికేట్ బ్యాంక్ (ఎస్బీ)లో ప్రొబేష‌నరీ ఆఫీస‌ర్ పోస్టుల భ‌ర్తీకి నిర్వహించే పీజీ డిప్లొమా ఇన్ బ్యాంకింగ్ & ఫైనాన్స్‌ కోర్సుకు నోటిఫికేషన్ విడుదలైంది. మణిపాల్ స్కూల్ ఆఫ్ బ్యాంకింగ్ నిర్వహించే ఏడాది పీజీడిప్లొమా కోర్సు పూర్తయిన తర్వాత దేశ వ్యాప్తంగా ఉన్న సిండికేట్ బ్యాంక్ బ్రాంచ్‌ల్లోని ప్రొబేషనరీ ఆఫీసర్ హోదాలో నియమిస్తారు.

ప్రొబేష‌నరీ ఆఫీస‌ర్: 400

విద్యార్హత‌లు: కనీసం 60 శాతం మార్కులతో ఏదైనా డిగ్రీ ఉండాలి. ఎస్సీ, ఎస్టీ, దివ్యాంగుల‌కు 55 శాతం ఉంటే సరిపోతుంది.
వ‌య‌సు: 2016 అక్టోబరు 1 నాటికి 20 నుంచి 28 సంవ‌త్సరాల మ‌ధ్య ఉండాలి. అంటే 1988 అక్టోబరు 2 నుంచి 1996 అక్టోబరు 1 మధ్య జన్మించి ఉండాలి. నిబంధ‌న‌ల ప్రకారం ఎస్సీ, ఎస్టీ, ఓబీసీలకు వ‌యోపరిమితిలో స‌డ‌లింపు ఉంటుంది.

ఎంపిక విధానం: ఆన్‌లైన్ (ప్రిలిమిన‌రీ, మెయిన్) ప‌రీక్షలు, గ్రూప్ డిస్కషన్ లేదా ఇంట‌ర్వ్యూ ద్వారా ఎంపిక చేస్తారు.
పరీక్ష విధానం: ఆన్‌లైన్ పరీక్షను 200 మార్కులకు నిర్వహిస్తారు. ఇది ఆబ్జెక్టివ్ తరహాలోనే ఉంటుంది. ఇందులో రీజనింగ్, ఇంగ్లిష్ లాంగ్వేజ్, క్వాంటిటేటివ్ ఆప్టిట్యూడ్‌, జనరల్ అవేర్‌నెస్‌కు సంబంధించిన ప్రశ్నలు ఒక్కొక్కటి 50 వంతున ఉంటాయి. ఇందులో అర్హత సాధిస్తే గ్రూప్ డిస్కషన్ లేదా పర్సనల్ ఇంటర్వ్యూ నిర్వహిస్తారు.

ద‌ర‌ఖాస్తు విధానం: ఆన్‌లైన్ ద్వారా.
ద‌ర‌ఖాస్తు జనరల్, ఓబీసీలు ఫీజు: రూ.600, ఎస్సీ, ఎస్టీ, దివ్యాంగులు రూ.100 చెల్లించాలి.
ఆన్‌లైన్ రిజిస్ట్రేషన్ ప్రారంభం: డిసెంబరు 14
ఆన్‌లైన్ రిజిస్ట్రేషన్‌కు చివ‌రితేది: డిసెంబరు 28
ఫీజు చెల్లించడానికి చివరితేది: డిసెంబరు 28
ఆన్‌లైన్ ప‌రీక్ష తేది: ఫిబ్రవరి 26

నోటిఫికేషన్

ఆన్‌లైన్ రిజిస్ట్రేషన్